Lince común

O lince común,^[2] Lynx lynx, é unha especie de felino do xénero Lynx, o representante internacionalmente máis coñecido e o maior do seu xénero, chegando aos 135 cm de lonxitude e aos 35 kg de peso, é nativo de Europa e Asia. Habitou en Galicia, e mais no norte da Península Ibérica.^[3] A existencia do lince común en Galiza data de máis de 11 000 anos e tense constancia documentada dende finais do século XVII. Os nomes tradicionais que recibía eran o de lobo cerval ou lobo rabaz.^[4]

Lince común Lynx lynx
Estado de conservación
Pouco preocupante[1]
Clasificación científica
Reino: Animalia Filo: Chordata Subfilo: Vertebrata Clase: Mammalia Orde: Carnivora Suborde: Feliformia Familia: Felidae Subfamilia: Felinae Xénero: Lynx Especie: L. lynx
Nome binomial
Lynx lynx (Linnaeus, 1758)
Distribución do Lynx lynx Distribución do Lynx lynx
Sinonimia
Felis lynx Linnaeus, 1758

Distribución e subespecies

Lince común da subespecie wrangeli.

• L. l. lynx: subespecie difundida por Escandinavia, Finlandia, Países bálticos, Polonia, Belarús, gran parte de Rusia e Siberia Occidental.
• L. l. carpathicus: Subespecie centroeuropea, orixinalmente esparexida de Gran Bretaña ao Mar Negro pero que agora está reducida a algunhas áreas montañosas de Romanía, Eslovaquia, Croacia, República Checa, Eslovenia e Suíza, con algunhas áreas en Italia, Alemaña, Austria e Ucraína. Mais tamén se reintroduciu recentemente nos Alpes franceses.
• L. l. martinoi: Península balcánica.
• L. l. dinniki: Cáucaso, Turquía e noroeste de Irán.
• L. l. isabellinus: Tíbet, montes Tian Shan e outras áreas montañosas de Asia Central.
• L. l. wardi: Rexión do Altai.
• L. l. kozlovi: Ao sueste do lago Baikal.
• L. l. wrangeli: Siberia Oriental, península de Kamchatka e zonas limítrofes de Mongolia e Manchuria. É a subespecie máis abondosa, á que pertencen máis do 80% dos linces comúns actuais.
• L. l. stroganovi: Rexión do río Amur e a illa de Sakhalin, chegando ata Corea do Norte e a península de Liaoning.
• L. l. sardiniae extinguida cara 1967, habitaba Sardeña e poida que tamén Córsega.

Notas

1. Breitenmoser, U., Mallon, D.P., von Arx, M. & Breitenmoser-Wursten, C (2008). "Lynx lynx". Lista Vermella da IUCN de Especies en Perigo (en inglés). IUCN 2008. Consultado o 2 de febreiro de 2008.
2. Definicións no Dicionario da Real Academia Galega e no Portal das Palabras para lince.
3. Teresa Guerrero (9 de setembro de 2015). "El enigmático animal avistado hasta hace un siglo en el norte de España era el lince euroasiático". El Mundo (en castelán).
4. Sarmiento recolleu xa en 1760 cinco nomes populares: lobo cerval, loberno, lubicán, lobo rabaz e tigre, denominacións que pasaron a outros vocabularios e dicionarios posteriores. Comenta que o nome de tigre "es falso, pues no hay tigres en Europa, pero se llama tigre porque tiene la piel manchada". Engade que "Los 4 nombres primeros, aunque comienzan con lobo, sólo aluden a su voracidad, no a que sea el animal del género lobo, pues sólo lo es del género gato" (Sarmiento, carta 159, de 6 de xuño de 1760). Eladio Rodríguez explica que "el nombre de lobo cerval viénele de ser su grito parecido al de los ciervos".

Wikimedia Commons ten máis contidos multimedia na categoría:  Lince común

Wikispecies posúe unha páxina sobre:  Lince común