Liexa

Liexa^[1] (en francés: Liège [ljɛʒ] , en neerlandés: Luik [lœyk] , en alemán: Lüttich [ˈlʏtɪç], en valón: Lîdje)^{[lower-alpha 1]} é unha cidade francófona do leste de Bélxica, capital da provincia homónima. É a quinta cidade máis grande do país despois de Bruxelas, Anveres, Gante e Charleroi; o terceiro conglomerado despois dos de Bruxelas e Anveres; e a terceira cidade francófona tras Bruxelas e Charleroi.^[2]

Liexa

Liège (fr) Lîdje (wa)
Bandeira
Localización
50°38′23″N 5°34′14″L
Estado	Bélxica
Rexión	Valonia
Provincia	Provincia de Liexa
Distrito	Arrondissement of Liège (en)
Capital de	Provincia de Liexa
Capital	Provincia de Liexa
Contén a división administrativa	Angleur (en) Bressoux (en) Chênée (en) Grivegnée (en) Jupille-sur-Meuse (en) Liège (en) Rocourt (en) Wandre (en)
Poboación
Poboación	195.278 (2022) (2.844,54 hab./km²)
Lingua oficial	lingua francesa (lingua predominante)
Xeografía
Superficie	68,65 km²
Bañado por	Monsin Canal (en) , Río Mosa, Ourthe (pt) , Canle Alberte e Canal de l'Ourthe (en)
Altitude	66 m
Comparte fronteira con	Herstal (pt) Visé (pt) Blegny (pt) Beyne-Heusay Chaudfontaine (pt) Oupeye (pt) Ans (pt) Juprelle (pt) Seraing (pt) Saint-Nicolas (pt) Esneux (pt)
Creación	século VIII
Organización política
• Alcalde	Willy Demeyer (pt) (1999–)
Identificador descritivo
Código postal	4000, 4020, 4030, 4031 e 4032
Fuso horario	UTC+01:00, horario estándar UTC+02:00, horario de verán
Prefixo telefónico	04
Outro
Irmandado con	Fuzhou (2016–)
Páxina web	liege.be

Está situada no val do río Mosa, cerca das fronteiras con Alemaña e os Países Baixos, xunto á desembocadura dun dos seus afluentes, o río Ourthe. Comunícase con Anveres mediante o Albertkanaal (canle Alberto) e coa rexión renana mediante o Mosa. Atópase ademais nunha antiga zona industrial, a espiña dorsal industrial de Valonia. O municipio de Liexa inclúe aos antigos asentamentos de Angleur, Bressoux, Chênée, Glain, Grivergné, Jupille-sur-Meuse, Rocourt e Wandre.

De 972 a 1795 foi a capital do principado de Liexa, e durante os séculos viii e xvi sé do bispado de Liexa, herdanza da Civitas Tungrorum romana.

Dende o século xv a cidade experimentou un continuo desenvolvemento económico, e no xix converteríase nun importante centro industrial como consecuencia da explotación das minas de hulla e do seu procesamento. Industria siderúrxica, de transformados metálicos, de construción de maquinaria, armamentística, química, do caucho, do vidro e alimentaria (refinaría de azucre). A cidade posúe un dos portos fluviais máis importantes de Europa, tamén posúe un Aeroporto en Bierset. Liexa constitúe o centro cultural dos valóns. A súa universidade fundouse en 1817.

Entre o 4 e o 16 de agosto de 1914 tivo lugar nesta cidade a batalla de Liexa, na que os alemáns conquistarían a praza no seu avance cara París.

Entre 1931 e 1937 estivo situada nesta localidade a Escola de Enxeñería ICAI, logo de que a Compañía de Xesús fora expulsada de España.

Panorámica de Liexa

Notas

1. Ata 1949 o nome francés da cidade escribíase Liége, con acento agudo en vez de grave.

1. Segundo Criterios para o uso da lingua, SNL da Universidade da Coruña, así como tamén conforme a forma empregada en Atlas xeográfico e histórico de Galicia e do Mundo, a Diciopedia do século 21 e o Dicionario Galaxia de usos e dificultades da lingua galega.
2. "Statistics Belgium. Working Paper" (PDF). www.statbel.fgov.be (en neerlandés). 2008. Archived from the original on 29 de outubro de 2008. Consultado o 16 de decembro de 2019.

Véxase tamén

Ligazóns externas

• Páxina oficial de Liexa

---

Este artigo sobre xeografía é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---