Leônidas da Silva

Leônidas da Silva, nado o 6 de setembro de 1913 no Río de Xaneiro e finado o 24 de xaneiro de 2004 en Cotia, (San Paulo), foi un dos principais xogadores brasileiros de fútbol.

Para outras páxinas con títulos homónimos véxase: Leónidas.

Leônidas da Silva

Biografía
Nacemento	6 de novembro de 1913 São Paulo, Brasil
Morte	24 de xaneiro de 2004 (90 anos) Cotia, Brasil (pt)
Causa da morte	Alzhéimer
Lugar de sepultura	Cemitério da Paz (pt) Centro Funerário Morada da Paz (pt)
Outros nomes	Diamante Negro (diamant negre) Homem-Borracha (home goma)
Residencia	Río de Xaneiro
Grupo étnico	Afrobrasileiros
Altura	173 cm
Peso	75 kg
Actividade
Ocupación	futbolista, adestrador de fútbol
Período de actividade	1929 -
Nacionalidade deportiva	Brasil
Deporte	fútbol
Posición de xogo	Dianteiro
Traxectoria   Equipo 1929–1929 São Cristóvão de Futebol e Regatas 29 (31) 1931–1932 Bonsucesso Futebol Clube 51 (55) 1933–1933   CA Peñarol 25 (28) 1934–1934 Club de Regatas Vasco da Gama 29 (27) 1935–1935 Sport Club Brasil 1935–1936 Botafogo de Futebol e Regatas 33 (42) 1936–1942   Clube de Regatas do Flamengo 149 (153) 1943–1950 São Paulo Futebol Clube 211 (140)   Selección nacional 1932–1946   Brasil 19 (21)
Participou en
1946	Campeonato Sul-Americano de Futebol de 1946 (pt)
xuño de 1938	Mundial de Fútbol Francia 1938
1934	Mundial de Fútbol Italia 1934

Traxectoria

Coñecido como o "Diamante Negro" ou o "Homem de borracha", Leônidas da Silva comezou a súa carreira en equipos locais no Río de Xaneiro. Despois de facer dous goles na súa estrea vestindo a camisola amarela da selección brasileira, foi xogar para o Peñarol do Uruguai en 1933. Despois dun ano, volveu ao Brasil para xogar no Vasco da Gama, ao cal axudou a gañar o Campionato Carioca de 1934. Despois de xogar o seu segundo mundial, en 1934, foi xogar co Botafogo e gañou outro Campionato Carioca en 1935. No ano seguinte, foi para o Flamengo, onde ficou ata o 1942. En 1938, foi o máximo anotador da Copa do Mundo con 8 goles, incluíndo catro marcados contra a Polonia. Iso fixo del o primeiro xogador da historia en marcar catro goles nun único encontro da Copa do Mundo. Na semifinal, contra a Italia o adestrador brasileiro reservou a Leônidas para a final. Brasil perdeu ese encontro por 2-1. Remataría a súa carreira xogando para o Sao Paulo.

Segundo se di, moitas xogadas populares hoxe en día partiron da súa imaxinación, coma a tesoira ou a bicicleta, aínda que el mesmo só se consideraba o perfeccionador desta última, xa que o inventor sería Petronilho de Brito.

Está enterrado no Cemitério da Paz en São Paulo.