León o Diácono
From Wikipedia, the free encyclopedia
León o Diácono (en grego Λεών) foi un historiador bizantino do século X de cuxa vida persoal se coñece moi pouco.
| Biografía | |
|---|---|
| Nacemento | c. 950  Calos (pt)  |
| Morte | 992 (41/42 anos) |
| Datos persoais | |
| País de nacionalidade | Imperio Bizantino |
| Actividade | |
| Ocupación | historiador |
| Lingua | Grego medieval (pt) |
 | |
Naceu en Caloe, ao pé de Monte Tmolo, preto das fontes do río Caistro. Seu pai chamábase Basilio. Foi a Constantinopla, onde seguiu os seus estudos (966), e fíxose partidario de Nicéforo II Focas, e el mesmo descríbese como un mozo neste tempo (nacería sobre o 950). Estaba en Asia cando foi deposto o patriarca Basilio I de Constantinopla e foi elixido o seu sucesor Antonio III (973 ou 974) e explica que neste tempo viu dous xemelgos duns trinta anos unidos polo costado. Foi ordenado diácono e como tal acompañou a Basilio II na súa desgraciada campaña contra os búlgaros o 981; despois do asedio de Tralitza (antiga Sárdica) escapou por pouco da catividade e fuxiu a terras seguras. Máis tarde xa non se sabe nada, pero a súa historia escribiuse despois do 989 posto que menciona a revolta e morte de Focas Bardas que ocorreu este ano. Viviu probabelmente ata polo menos o 993, posto que di que o emperador Basilio II restaurou en seis anos a cúpula de Santa Sofía, destruída por un terremoto en 987.
As súas obras son:
- Ἱστορία Βιβλίοις ι', Historia Libris decem: Historia, en dez libros.
- Oratio ad Basilium Imperatorem: Discurso ao emperador Basilio.
- Homilia in Michaelem Archangelum: Homilía ao arcanxo Miguel.
Das dúas últimas consérvase un exemplar. A Historia inclúe un relato da expedición a Creta de Nicéforo Focas so Romano II (959), a morte de Xoán I Tzimisces (975), as vitorias do emperador Nicéforo I Tzimisces sobre os musulmáns en Cilicia e Siria e a reconquista destas terras ou de gran parte delas e as guerras contra búlgaros e rusos.
Ligazóns externas
- Texto grego de León[Ligazón morta] (ed. Jacques Paul Migne) en formato PDF.
- Texto escaneado (ed. Niebuhr, CSHB) en pdf.
- En Documenta Catholica Omnia.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
