Juan José Dieste

Juan José Dieste Ortigueira, nado en Escarabote en 1963, é un político galego, dende xuño de 2011 ata xuño de 2019 foi alcalde do concello de Boiro.

Juan José Dieste

Juan José Dieste en 2012.
Biografía
Nacemento	1963 (60/61 anos) Boiro, España
Alcalde de Boiro
2011 – 2019 ← Xosé Deira Triñanes – José Ramón Romero García →
Datos persoais
Educación	Universidade de Santiago de Compostela
Actividade
Lugar de traballo	Boiro
Ocupación	político
Partido político	Partido Popular
Membro de	Partido Popular de Galicia

Traxectoria

Licenciado en Económicas pola Universidade de Santiago de Compostela, traballou na industria conserveira local, na empresa Jealsa, dirixida á súa vez polo que fora alcalde popular de Boiro Jesús Alonso Fernández.

Afiliado ao Partido Popular de Galicia dende 1988, presentouse nas listas desa formación ás eleccións de 1999 e 2003, saíndo elixido concelleiro nesta última ocasión, situándose o grupo na oposición e exercendo de portavoz municipal dende setembro de 2005. Trala renuncia de Luís Blanco Vila, foi cabeza de cartel á alcaldía nas eleccións de 2007, colleitando os peores resultados do PP en Boiro en 16 anos, ao obter unicamente 6 concelleiros, ante o cal continuou como líder da oposición.

Repetiu candidatura á alcaldía en 2011, onde nesta ocasión conseguiu o bastón de mando ao recadar o 45% dos votos e maioría absoluta de concelleiros. Nas eleccións de 2015 volveu ser elixido con maioría absoluta. Nas eleccións municipais de 2019 perdeu a maioría absoluta e non acadou a alcaldía, que foi para José Ramón Romero García do PSdeG^[1]. En decembro de 2021 foi relevado das súas funcións como presidente local e portavoz do PPdeG en Boiro, por parte da dirección provincial do partido.

Predecesor: Xosé Deira Triñanes

Alcalde de Boiro  2011 - 2019

Sucesor: José Ramón Romero García

Notas

1. Concello de Boiro na FEGAMP

Véxase tamén

Outros artigos

• Eleccións municipais en Boiro