José Luis Coedo

José Luis Coedo Novo, nado en 1949, é un político e empresario galego, que foi alcalde das Nogais durante dúas décadas.

José Luis Coedo

Biografía
Nacemento	1949 (74/75 anos) valor descoñecido
Alcalde das Nogais
1987 – 2011 ← Xosé Espín Mejía – Jesús Núñez Díaz →
Actividade
Ocupación	político, empresario
Partido político	Partido Socialista Obrero Español
Membro de	Partido dos Socialistas de Galicia

Traxectoria

Foi elixido alcalde das Nogais logo das eleccións de 1987. Renovou o cargo repetidas veces (1991, 1995, 1999, 2003), sempre con maioría absoluta, pero nas eleccións de 2007 conservou o bastón de mando malia perder a absoluta. Nos comicios de 2011 foi derrotado por primeira vez en 24 anos polo candidato do Partido Popular, Jesús Núñez Díaz.

En 2011 foi xulgado porque o vertedoiro municipal carecía de licenza, pero resultou absolto^[1]. En 2013 foi xulgado de novo, desta volta por malversación de fondos no seu tempo como alcalde, e el mesmo recoñeceuse culpable. Foi condenado a dous anos de prisión, ademais de a unha pena de inhabilitación^[2].

Empresarialmente é propietario de establecementos de hostalaría. É o autor da guía Os Ancares: turismo rural, publicada en 1997.

Predecesor: Xosé Espín Mejía

Alcalde das Nogais  1987 - 2011

Sucesor: Jesús Núñez Díaz

Notas

1. Absuelto de un delito ecológico el ex alcalde de As Nogais, La Voz de Galicia, 7/9/2011.
2. O anterior alcalde das Nogais recoñece ter prevaricado e malversado, El Progreso, 17/7/2013.

Véxase tamén

Outros artigos

• Eleccións municipais nas Nogais