músico estadounidense From Wikipedia, the free encyclopedia
Jonathan David Melvoin, nado o 6 de decembro de 1961 nos Ánxeles e finado o 12 de xullo de 1996 na cidade de Nova York, foi un teclista estadounidense activo durante os anos 80 e 90.
Biografía | |
---|---|
Nacemento | 6 de decembro de 1961 ![]() Os Ánxeles, Estados Unidos de América ![]() |
Morte | 12 de xullo de 1996 ![]() Nova York, Estados Unidos de América ![]() |
Causa da morte | morte accidental, sobredose ![]() |
Lugar de sepultura | Lincoln (en) ![]() ![]() |
Datos persoais | |
País de nacionalidade | Estados Unidos de América ![]() |
Actividade | |
Campo de traballo | Música ![]() |
Ocupación | teclista , percusionista , cantante ![]() |
Período de actividade | 1996 ![]() |
Xénero artístico | Rock alternativo ![]() |
Lingua | Lingua inglesa ![]() |
Instrumento | Teclado ![]() |
Familia![]() | |
Pai | Mike Melvoin (en) ![]() ![]() |
Irmáns | Susannah Melvoin (pt) ![]() ![]() |
![]() ![]() ![]() ![]() ![]() |
Era o irmán de Susannah e Wendy Melvoin da banda Prince and the Revolution. Primeiro aprendeu a tocar a batería, e actuou con varias bandas de punk rock nos 80 coma The Dickies, e tamén contribuíu co proxecto Wendy & Lisa, así como con Prince and the Revolution no seu álbum Around the World in a Day. No intre da súa morte era teclista de xira de The Smashing Pumpkins, durante a súa presentación mundial do álbum Mellon Collie and the Infinite Sadness.
Morreu en Nova York debido a unha sobredose de heroína cando tiña 34 anos. O batería de The Smashing Pumpkins Jimmy Chamberlin, que estaba con el, tentou revivilo sen éxito. Hai moito misterio e especulacións sobre o que realmente pasou. Os operadores do 911 aconsellaron a Chamberlin poñer a cabeza de Melvoin na ducha nun intento de revivilo mentres non chegaban os médicos. Melvoin foi declarado morto no lugar. Chamberlin sería posteriormente despedido da banda. Segundo a mesma, ambos xa tiveran algún incidente coas drogas anteriormente. Melvoin xa fora despedido, pero estaba continuando a xira con The Smashing Pumpkins ata o final desa parte da mesma. O seu reposto ía ser Dennis Flemion de The Frogs. O seu derradeiro concerto foi no Capital Centre en Landover, Maryland.
Os membros de The Smashing Pumpkins non foron convidados ao seu enterramento. Jonathan deixou unha muller e un neno. Moitos temas inspiráronse na súa morte, coma "Angel" de Sarah McLachlan, "Jonathan" de Wendy & Lisa e o tema de Prince "The Love We Make" do seu álbum Emancipation.