Joinville

Joinville é a máis grande cidade do Estado brasileiro de Santa Catarina (mais non é a súa capital). Foi fundada en 1851 por 191 familias de inmigrantes, orixinarias de Alemaña, Suíza e Noruega.

Joinville

Localización
26°18′14″S 48°50′45″O
Estado	Brasil
Unidades da federación	Santa Catarina
Poboación
Poboación	616.323 (2022) (547,3 hab./km²)
Xeografía
Superficie	1.126,106 km²
Altitude	4 m
Comparte fronteira con	Araquari (pt) Jaraguá do Sul São Francisco do Sul (pt) Guaramirim (pt) Campo Alegre (pt) Garuva (pt) Schroeder (pt)
Creación	9 de marzo de 1851
Organización política
Órgano lexislativo	câmara de vereadores de Joinville (pt) Circunscrición: 0, (Escano: 19)
Identificador descritivo
Código postal	89200-000
Prefixo telefónico	047
Código de concello do Brasil	4209102
Outro
Irmandado con	Spišská Nová Ves (pt) Chesapeake
Páxina web	joinville.sc.gov.br

As súas terras localízanse xunto ao río Cachoeira, non moi distante do litoral. A sede do municipio sitúase a uns 4,5 m sobre o nivel do mar. Hai algunhas montañas próximas cubertas por vexetación remanecente da Mata Atlántica.

A cidade de Joinville.

Historia

Joinville ten ese nome pois foi fundada en terras de François Ferdinand Philippe, príncipe de Joinville e marido da irmá do emperador Pedro II do Brasil, Dona Francisca. As terras foron un regalo do casamento. O príncipe e Dona Francisca xamais visitaron as terras, mais unha casa foi construída para eles, que é hoxe o "Museu Nacional de Inmigración e Colonización Palacio dos Príncipes de Joinville". Non obstante, os primeiros habitantes da rexión foron os indios tupis e guaranís, feito comprobado por 40 sitios arqueolóxicos encontrados nas súas proximidades.

Hotel en Joinville con arquitectura en estilo alemán - chamada no Brasil de estilo enxaimel.

Entre os anos 1950 e 1980 a cidade tornouse eminentemente industrial, e recibiu a denominación de Manchester catarinense.

Hoxe a súa produción industrial é escoada por estradas para outras rexións do Brasil (ten acceso fácil ao sur do Brasil e Mercosur, e tamén a Curitiba, e desta até Sao Paulo e Río de Xaneiro), e por ferrocarril até os portos de Itajaí e de São Francisco do Sul, situados uns 40 e uns 90 km da cidade, respectivamente. Tamén posúe unha Universidade privada - UNIVILLE - e algúns cursos da Universidade estatal - UDESC.