From Wikipedia, the free encyclopedia
István Szabó, nado en Budapest o 18 de febreiro de 1938, é un director de cinema, guionista e director de ópera húngaro. Szabó é o máis recoñecido director de cinema húngaro dende finais da década de 1960. Traballando na teoría de autor europea, fixo filmes que representan moitos dos conflitos políticos e psicolóxicos da historia recente de Europa Central, así como sobre a súa propia historia persoal. Rodou a súa primeira curtametraxe en 1959 como estudante da Academia Húngara de Artes Teatrais e Cinematográficas, e a súa primeira longametraxe en 1964.
Acadou o seu maior éxito internacional con Mephisto (1981), co cal gañou o Óscar ó mellor filme en lingua non inglesa. Dende entón, moitos dos filmes de Szabó foron coproducións internacionais rodadas en varias linguas e lugares de Europa. Tamén continuou facendo filmes en lingua húngara, e mesmo nas súas coproducións internacionais, fai a rodaxe en Hungría e emprega un elenco húngaro. Szabó viuse involucrado nunha controversia no ano 2006 cando o xornal húngaro Élet és Irodalom revelou que el fora un informante da policía secreta do réxime comunista.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
