Iriome González

Iriome González González, coñecido habitualmente como Iriome, nado o 22 de xuño de 1987 en Icod de los Vinos (Tenerife), é un futbolista profesional español da canteira do CD Tenerife, que xoga como centrocampista no Club Deportivo Lugo da Segunda División. Foi internacional coa selección española Sub-20.

Iriome González

Biografía
Nacemento	22 de xuño de 1987 (37 anos) Icod de los Vinos, España
Altura	186 cm
Actividade
Ocupación	futbolista
Período de actividade	2007 -
Deporte	fútbol
Posición de xogo	Centrocampista
Traxectoria   Equipo 2005–2007   CD Tenerife B 2007–2011   Club Deportivo Tenerife 83 (10) 2009–2010 → cesión:  Sociedad Deportiva Huesca 26 (1) 2011–2013   Villarreal CF B 58 (3) 2013–2013   Club Deportivo Mirandés 36 (2) 2014–   CD Lugo   Selección nacional 2007–2007   España sub-20 2 (0)

Traxectoria

Nado Icod de los Vinos, unha vila da illa canaria de Tenerife, Iriome é froito da canteira do principal equipo de fútbol masculino da illa, o CD Tenerife, chegando ao primeiro equipo na tempada 2006–07, estando o club na Segunda División, con tan só 19 anos. Ese primeiro ano xogou 20 partidos nos que chegou a conseguir catro goles. O seu primeiro partido foi mediada a tempada, concretamente o 14 de xaneiro de 2007, nun empate 0–0 ante o UD Salamanca.^[1] O seu primeiro gol non tardaría en chegar, anotando catorce días despois ante o UD Almería, nun gol que contribuíu á vitoria por 2–1 contra o equipo andaluz.^[2]

Na seguinte tempada xogou máis partidos, 31, volvendo a anotar outros catro goles. Con todo, na tempada 2008–09 só disputa 12 partidos, nun ano no que o Tenerife conseguiría o seu ascenso á máxima categoría. O seguinte ano o xogador sería cedido ao SD Huesca, onde disporía de máis minutos, regresando a Tenerife na seguinte tempada. Tras pasar polo Villarreal B e CD Mirandés, o 8 de xullo de 2014 asina polo CD Lugo.

Clubs

Club	Categoría	Ano	PX	Goles
Tenerife	Segunda	2006-2007	20	4
Tenerife	Segunda	2007-2008	31	4
Tenerife	Segunda	2008-2009	12	0
Huesca	Segunda	2009-2010	26	1
Tenerife	Segunda	2010-2011	20	2
Villarreal B	Segunda	2011-2012	27	1
Villarreal B	Segunda B	2012-2013	31	2
Mirandés	Segunda	2013-2014	36	2
Lugo	Segunda	2014-2015	39	5
Lugo	Segunda	2015-2016	35	3
Lugo	Segunda	2016-2017	38	0
Lugo	Segunda	2017-2018	34	5
Lugo	Segunda	2018-2019	34	3

Notas

1. El Mundo Deportivo, ed. (15 de xaneiro de 2007). "El Helmántico se le atraganta otra vez a los charros con la visita del Tenerife" (en castelán).
2. El Mundo Deportivo, ed. (29 de xaneiro de 2007). "El Tenerife coge aire ante un rival que aprieta pero falla en la definición" (en castelán).

Véxase tamén

Ligazóns externas

• Datos do xogador en bdfutbol.com (en inglés)
• Datos do xogador en Transfermarkt (en inglés)