O Inter Fútbol Sala ou Inter Movistar por motivos de patrocinio, é un equipo español de fútbol sala da cidade de Alcalá de Henares (Madrid).[1] Actualmente compite na División de Honra da Liga Nacional de Fútbol Sala.
| Inter Movistar | |||
|---|---|---|---|
| Nome | Inter Fútbol Sala | ||
| Alcume(s) | La máquina verde | ||
| Fundación | 1977 | ||
| Estadio | Pavillón Cajamadrid Alcalá de Henares, España  | ||
| Capacidade | 4.500 | ||
| Presidente | Pascual Saorín | ||
| Adestrador | David Marín Ortega | ||
| Liga | División de Honra (LNFS) | ||
| 2009-10 | 2º | ||
| Vestimenta | Hummel | ||
| Patrocinador | Movistar | ||
| Na rede | |||
| http://www.interviufs.com | |||
| |||
O club foi fundado en 1977 polo xornalista deportivo José María García co obxectivo de xogar partidos benéficos e de exhibición. No entanto, na década dos '80 converteuse nun club profesional baixo a denominación Interviú Fútbol Sala. En 1989 foi un dos membros fundadores da LNFS. O Inter FS ten gañado oito campionatos de liga, sendo o club que máis veces o logrou, e é un dos clubs máis laureados do fútbol sala mundial.
Historia
Creación do club
O equipo naceu en 1977 grazas a unha iniciativa do xornalista radiofónico José María García. Nun principio chamouse Hora XXV, como o programa informativo nocturno da Cadena SER, e creouse para xogar partidos benéficos e de exhibición. O equipo estaba formado por antigos xogadores de fútbol como Amancio ou López Ufarte, e xornalistas, entre os que se encontraba o propio García.
En 1979 a Federación Española de Fútbol organizou o primeiro campionato oficial de fútbol sala, participando na tempada inicial como Interviú Hora XXV. O club proclamouse campión no seu debut. En 1981 El Corte Inglés selou un acordo de patrocinio, polo que o equipo trocou o seu nome por Interviú Lloyd's, e posteriormente por Interviú Boomerang. Na década dos '80 gañou oito ligas. Durante toda a súa historia, o club xogou en Madrid, Alcobendas e Torrejón de Ardoz, ata asentarse definitivamente en Alcalá de Henares.
Paso á Liga Nacional de Fútbol Sala
En 1989 a Federación Española de Fútbol e a Asociación de Fútbol Sala unificaron os seus campionatos, creando así a Liga Nacional de Fútbol Sala. O Interviú foi un dos seus membros fundadores, e na tempada inaugural os madrileños conseguiron a Liga e a Copa de España. Dous anos despois proclamouse campión de Europa por primeira vez na súa historia. Nos seguintes anos, o club mantivo un bo nivel, mais a dura competencia non lles permitiu conseguir a liga de novo ata 1996.
Desde o 2002 ata o 2005 conseguiu catro títulos de liga consecutivos, e converteuse nun dos dominadores do campionato nacional. Ademais gañou tres veces consecutivas a Copa Intercontinental e foi o primeiro equipo que obtivo tódolos títulos oficiais existentes neste deporte a nivel europeo. En recoñecemento, o Goberno de España outorgoulle á institución a Real Orden del Mérito Deportivo en 2006.
A última liga conseguida polo equipo foi na tempada 2007-08 como Interviú Fadesa. Dende aquela, o club quedou ás portas del campionato doméstico en dúas ocasións máis. Cando a construtora Fadesa quebrou, o equipo asinou un acordo de patrocinio co operador móbil Movistar. Tras estar varios anos desvinculado do Grupo Zeta e Interviú, a institución cambiou o seu nome por Inter Fútbol Sala en outubro do 2010.[2]
Formación 2010-11
|
|
- Adestrador:
David Marín Ortega
Patrocinadores
Oficialmente chamado Inter Fútbol Sala, o equipo adaptou o seu nome en función do seu patrocinador. A revista informativa Interviú foi un dos sponsors oficiais nos seus primeiros anos de existencia, e aínda que xa non o patrocina, o seu nome continúa ligado ao club. Dende o 2008 emprégase a abreviación Inter, que significa tamén internacional.
Palmarés
Estatal
- 8 División de Honra: 1989-90, 1990-91, 1995-96, 2001-02, 2002-03, 2003-04, 2004-05, 2007-08
- 7 Copas de España: 1990, 1996, 2001, 2004, 2005, 2007, 2009
- 9 Supercopas de España: 1990, 1991, 1996, 2001, 2002, 2003, 2005, 2007, 2008
Internacional
- 4 Copas de Europa: 1991, 2004, 2006, 2009
- 5 Copas Intercontinentais: 2005, 2006, 2007, 2008, 2011
- 1 Recopa de Europa: 2008
- 2 Copa Ibérica: 2003, 2005
Torneos de verán
Notas
Véxase tamén
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
