Sapo dourado

O sapo dourado,^{[Cómpre referencia]} de nome científico Incilius periglenes (antes chamado Bufo periglenes), descrito pola primeira vez en 1966 polo herpetólogo Jay Savage, é unha especie de anfibio anuro que viviu nuns poucos lugares no bosque de Monteverde, en Costa Rica, América Central. Está clasificado pola IUCN como extinto. Desde 1989 non se viu un só espécime do sapo dourado. A súa repentina desaparición é citada como parte da diminución das poboacións de anfibios, que poden ser atribuíbeis ao cambio climático provocado polo quentamento global ou ben a unha epidemia de fungos específicos de anfibios, ou doutros factores, combinados ou independentes.