Illa Kotelni

Kotelni (en ruso oстров Котельный, óstrov Kotelni) é a illa principal do arquipélago ruso das Nova Siberia, no Ártico. O arquipélago forma parte do grupo das illas Anzhu, situadas a norte das costas da Sibéria Oriental, entre o mar de Laptev e o mar de Siberia Oriental. No plano administrativo está incluída na Iacutia.

Illa Kotelni

Tipo	illa
Parte de	Illas Anzhu
Situado na entidade xeográfica	Illas de Nova Siberia
Localización
Continente	Asia
División administrativa	Bulunsky District, Rusia (en)
75°26′20″N 138°49′36″L
Bañado por	Océano Ártico, Mar de Laptev e Mar de Siberia Oriental
Características
Altitude	361 m
Punto máis alto	Malakatyn-Tas (en)  (374 m )
Superficie	23.200 km²
Historia
Data de descuberta ou invención	1773

Localización de Kotelny no subgrupo de Anzhu.

Kotelni, con 11.665 km², está conectada á veciña illa Faddeievski, de 5.300 km², por unha ponte de area que foi formada ao longo dos séculos pretéritos: a Terra de Bunge, con 6.100 km². O conxunto, con 23.200 km², forma parte das 50 maiores illas da Terra. A Terra de Bunge é pouco elevada (8 m de altitude máxima) e queda periodicamente submerxida. O punto máis alto da illa é o monte Malakatyn-Tas (374 m).

A illa ten clima polar. A estación meteorolóxica da costa noroeste da illa marca unha temperatura anual media de -14,3 °C, sendo o mes máis quente xullo, con 2,5 °C, e o máis frío xaneiro con -29,8 °C. A precipitación media é de 131 mm repartidos ao longo do ano, cun lixeiro máximo en xullo e agosto. A superficie está cuberta de xeo ou tundra. Hai poboacións de raposos-árticos. Atopáronse en Kotelni esqueletos de mamut.

A illa foi descuberta no século XVIII por Ivan Liachov, mercador ruso que buscaba ósos e dentes de mamut. A veciña illa Faddeev foi descuberta por Iakov Sannikov en 1805, que na compañía de Matvei Gedenstrom explorou e cartografiou as illas entre 1808 e 1810.

Notas

Véxase tamén

Wikimedia Commons ten máis contidos multimedia na categoría:  Illa Kotelni

Bibliografía

Outros artigos

• Illas Anzhu
• Illas de Nova Siberia

Ligazóns externas

• anonymous, nda, "Kotel'nyy & Faddeyevsky". Arquivado dende o orixinal o 23 de decembro de 2010. Consultado o 06 de xullo de 2017. aerial photograph of Kotelny/Faddeyevsky Island.
• anonymous, ndb, "New Siberian Islands". Arquivado dende o orixinal o 23 de decembro de 2010. Consultado o 06 de xullo de 2017. aerial photographs of New Siberian Islands.
• Locations