Igrexa de Bro
From Wikipedia, the free encyclopedia
From Wikipedia, the free encyclopedia
A igrexa de Bro (sueco: Bro kyrka) é unha igrexa medieval luterana en Bro, na illa sueca de Gotland, pertencente á diocese de Visby.
Igrexa de Bro | |
---|---|
Datos xerais | |
País | Suecia |
Rexión | Gotland |
Localización | Bro |
Coordenadas | 57°40′12″N 18°28′29″L |
Culto | |
Culto | Igrexa de Suecia |
Diocese | Diocese de Visby |
Páxina web | https://www.svenskakyrkan.se/norragotland/bro-kyrka |
[ editar datos en Wikidata ] |
A presente igrexa está probablemente situada nun antigo lugar sagrado pre-cristián. Existe un pozo preto da igrexa que segundo a tradición era usado para realizar sacrificios. Mái concretamente, a zona é rica en restos antigos, entre os que destacan varias pedras pintadas que datan do século V.[1][2][3]
No lugar probablemente foi construída unha primeira igrexa cristiá na forma dunha stavkirke durante o século XII, pero non quedan restos dela.[3] A construción da igrexa de pedra actual probablemente comezou a principios do século XIII.[1] A torre, da década de 1240, é un resto do anterior edificio románico.[3] Durante a metade do século XIII unha nova ábsida gótica substituíu a anterior de estilo románico, e do mesmo xeito levantouse unha nova nave a finais do mesmo século. Durante ese período foise engadindo sucesivamente a rica decoración medieval interior da igrexa.[1][2]
Dende entón non se realizaron grandes cambios no exterior da igrexa. Porén, o seu interior foi afectado polo engadido de ornamentos adicionais e intentos de repintar os antigos frescos en 1686, arruinando ata certo punto as pinturas medievais. Varios dos detalles do interior, como o púlpito e o retablo, tamén se engadiron durante a época barroca. Aínda así, a igrexa de Bro é unha das igrexas medievais mellor conservadas de Gotland.[1][2][3]
A igrexa de Bro amosa unha mestura de arquitectura e arte románica e gótica, con varios detalles barrocos.[1] A torre é un robusto edificio románico. A nave é unha alta habitación gótica con amplas bóvedas que non descansan en piares de apoio senón que chegan ás paredes.[3] A ábsida é recta en vez de ser semicircular, algo típico para as igrexas de Gotland.[1]
Varios frisos románicos, que datan da anterior igrexa, foron incorporados fortuitamente ao muro exterior da igrexa gótica. Algunhas pedras talladas considerablemente máis antigas tamén foron encerradas nos seus muros. A igrexa ten un portal sur ricamente tallado, con capiteis representando, nun lado a infancia de Xesús, a resurrección e o inferno, e no outro unha follaxe intrinsecamente tallada.[1][2]
Os frescos cobren gran parte do interior da igrexa. As pinturas medievais orixinais amosan escenas da Paixón de Cristo, e de Cristo en Maxestade.[2] En distintas partes eses frescos foron pintado durante o século XVII con motivos de acantos e outras decoracións. A igrexa de Bro aínda ten a súa pía bautismal románica orixinal, un traballo do escultor Sigraf.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.