Pobo gweagal

Os gweagal (tamén escrito gwiyagal) son un pobo aborixe australiano do grupo dos tharawal (ou dharawal), que tradicionalmente vivían nas áreas meridionais de Sidney, Nova Gales do Sur, Australia.^[1]

Obra que representa o primeiro contacto que tiveron os gweagal co Capitán James Cook e a súa tripulación nas costas de Nova Gales do Sur.

Os gweagal vivían na costa sur da baía Botany (Península de Kurnell). O seu territorio, aínda que non estaba claramente definido, abranguía a zona entre os ríos Cooks e Georges, ó sur de estuario de Port Hacking e ó oeste de Liverpool. Eran o pobo máis setentrional da nación dharawal.^[2]

Notas

1. "Aussie People - Aborigines". Arquivado dende o orixinal o 28 de agosto de 2008. Consultado o 28 de agosto de 2008.
2. "Kurnell - A Pictorial History". Arquivado dende o orixinal o 24 de marzo de 2018. Consultado o 18 de xullo de 2018.

Véxase tamén

Outros artigos

• Lista dos pobos indíxenas de Australia