Guillerme I de Inglaterra

Guillerme I de Inglaterra, nado en 1027 e finado o 9 de setembro de 1087, foi o primeiro rei normando de Inglaterra, tras a morte de Haroldo II de Inglaterra na batalla de Hastings. Tamén foi chamado Guillerme o Conquistador e Guillerme de Normandía, e mesmo Guillerme o Bastardo, por ser fillo ilexítimo do seu pai, Roberto o Magnífico, duque de Normandía.

Guillerme I de Inglaterra

Biografía
Nacemento	(fr) Guillaume 1027 ↔ 1028 Falaise (Ducado de Normandía)
Morte	9 de setembro de 1087 (58/59 anos) Ruán (Ducado de Normandía)
Lugar de sepultura	abadía de Saint-Étienne, Caen
Monarca de Inglaterra
25 de decembro de 1066 – 9 de setembro de 1087 ← Haroldo II de Inglaterra – Guillerme II de Inglaterra →
Duque de Normandía
3 de xullo de 1035 – 9 de setembro de 1087 ← Roberto I de Normandía – Roberto II de Normandía →
Actividade
Ocupación	militar, monarca
Carreira militar
Conflito	Batalha de Val-ès-Dunes (pt) Conquista normanda de Inglaterra
Outro
Título	Monarca de Inglaterra (1066–1087) Duque de Normandía (1035–1087)
Familia	Casa de Normandía
Cónxuxe	Matilde de Flandres (1053–)
Fillos	Costanza de Normandía, Alberta, Cecilia de Normandía, Matilde de Normandía, Ágata de Normandía, Henrique I de Inglaterra, Roberto II de Normandía, Adeliza, Ricardo de Normandía, Guillerme II de Inglaterra, Adela de Normandía
Pais	Roberto I de Normandía   e Arlette de Falaise
Irmáns	Odo de Bayeux, conde de Kent Roberto, conde de Mortain Adelaida de Normandía
Parentes	Eduardo o Confesor, tío Odo, conde de Champaña, cuñado
Descrito pola fonte	Dictionary of National Biography Dicionario Enciclopédico Brockhaus e Efron Obálky knih,

Guillerme I de Inglaterra

Traxectoria

Guillerme naceu no 1027 e accedeu ao ducado de Normandía á idade de sete anos. Aos 15 foi nomeado cabaleiro por Henrique I de Francia, e aos 19 xa facía fronte a rebelións internas no ducado. Tras a morte do seu tío, Eduardo o Confesor, rei de Inglaterra, Guillerme reclamou o trono, que dicía lle deixara en herdo o seu tío, argumentando ademais que Harold Godwinson, o maior terratenente de Inglaterra, o recoñecera como rei. Pero Harold converteuse en Harold II de Inglaterra, e Guillerme reclamou os seus dereitos mediante a guerra, tras recibir a aprobación do papa.

A batalla definitiva da Conquista Normanda de Inglaterra foi a de Hastings, onde Harold II morreu, atravesado o seu ollo por unha frecha. Os restantes nobres saxóns non tardaron en renderse ao poder normando, e Guillerme foi proclamado rei.

Durante o seu reinado, Guillerme fixo grandes cambios que permanecerían durante séculos. Baixo o seu mandato compilouse o primeiro catastro da historia, chamado Domesday Book. Guillerme tamén reformou a lei, mesturando as leis anglosaxoas coas normandas. Por último, impuxo o francés normando como lingua das clases altas durante tres séculos, ata que se mesturase a gramática e vocabulario básico inglés cunha enorme cantidade de léxico de orixe latina do francés normando ata crear a base do inglés moderno.

Predecesor: Roberto I de Normandía	Duque de Normandía 1035 – 1087	Sucesor: Roberto II de Normandía
Predecesor: Harold II de Inglaterra	Rei de Inglaterra 1066 – 1087	Sucesor: Guillerme II de Inglaterra