Forzas Armadas dos Estados Unidos de América

As Forzas Armadas dos Estados Unidos de América , en inglés United States Armed Forces, son as forzas armadas dos Estados Unidos.^[1]

Forzas Armadas dos Estados Unidos de América
Tipo	exército
Data de fundación	14 de xuño de 1775
Presidente/a	Mark Milley (pt) (2019-)
Eventos/Actividades	Morte de Osama bin Laden, Desembarco de Normandía, segunda guerra mundial, Guerra de Corea, Guerra do Vietnam e Guerra contra o terrorismo
Sede	Condado de Arlington
País	Estados Unidos de América
Na rede
https://www.defense.gov/
[ editar datos en Wikidata ]

Está composto por seis servizos: Exército, Corpo de Fusileiros Navais, Mariña, Forza Aérea, Forza Espacial e Garda Costeira. ^[2] O presidente dos Estados Unidos é o comandante en xefe das Forzas Armadas e forma a política militar co Departamento de Defensa (DoD) e o Departamento de Seguridade Nacional (DHS), ambos departamentos executivos federais, actuando como principais órganos de execución da política militar. Os seis servizos armados están entre as oito 'forzas uniformadas' dos Estados Unidos.^[3]

Historia

Desde o seu inicio durante a Guerra de Independencia dos Estados Unidos, o exército dos Estados Unidos xogou un papel decisivo na historia dos Estados Unidos. Axudou a forxar un sentido de unidade e identidade nacional a través das súas vitorias na Primeira Guerra de Berbería e na Segunda Guerra de Berbería. Desempeñou un papel fundamental na Guerra civil estadounidense, impedindo que a Confederación se separase da República.

A Lei de Seguridade Nacional de 1947, promulgada tras a Segunda guerra mundial, creou a estrutura militar moderna dos Estados Unidos, incluíndo a creación da Forza Aérea e a reorganización das outras ramas baixo o nomeado Departamento de Defensa.^[4][5][6]

As Forzas Armadas dos Estados Unidos son consideradas as máis poderosas do mundo, con capacidades significativas tanto en defensa como en proxección de poder a nivel global, reflectidas no seu enorme orzamento e avanzada tecnoloxía militar. A Forza Aérea é a maior do mundo en termos de capacidade aérea, mentres que a Mariña é a maior do mundo por tonelaxe. A Guarda Costeira, pola súa parte, é a 12ª maior forza marítima do mundo.^[6]

Orde de prelación

Segundo regulación do DoD, os distintos compoñentes das Forzas Armadas dos Estados Unidos teñen unha orde de antigüidade establecida. Exemplos do uso deste sistema inclúen a exhibición de bandeiras de servizo e a colocación de militares como soldados, mariños, aviadores etc.^[7]

• Cadetes, Academia Militar dos Estados Unidos
• Guardamarinas, Academia Naval dos Estados Unidos
• Cadetes, Academia da Forza Aérea dos Estados Unidos
• Cadetes, Academia da Garda Costeira dos Estados Unidos
• Guardamarinas, Academia da Mariña Mercante dos Estados Unidos
• Exército dos Estados Unidos
• Corpo de Mariña dos Estados Unidos
• Mariña dos Estados Unidos
• Forza Aérea dos Estados Unidos
• Forza Espacial dos Estados Unidos
• Gardacostas dos Estados Unidos
• Garda Nacional dos Estados Unidos
• Reserva do Exército dos Estados Unidos
• Reserva do Corpo de Mariña dos Estados Unidos
• Reserva da Mariña dos Estados Unidos
• Garda Nacional Aérea
• Reserva da Forza Aérea dos Estados Unidos
• Reserva da Garda Costeira dos Estados Unidos
• Outras organizacións de formación e auxiliares do Exército, Corpo de Mariña, Mariña Mercante, Patrulla Aérea Civil e Auxiliar da Garda Costeira como na orde anterior.

Notas

1. "United States Navy - Home". www.navy.mil. Consultado o 2024-08-14.
2. "Trump Signs Law Establishing U.S. Space Force". Consultado o 2019-12-21.
3. Nota: Os outros dous son os U.S. Public Health Service Commissioned Corps e os NOAA Commissioned Officer Corps.
4. The End of Globalization or a more Multipolar World? (Informe). Credit Suisse AG; Subramanian Krithika. 17-10-2015. Arquivado dende o orixinal o 15-2-2018. Consultado o 14-07-2017.
5. "2021 United States Military Strength". www.globalfirepower.com. Consultado o 2021-03-08.
6. "Coast Guard Organization and Administration, Chapter One". Arquivado dende o orixinal o 3-11-2013. Consultado o 7-10-2013.
7. "DODD 1005.8, October 31, 1977; Certified Current as of November 21, 2003". Consultado o 2024-01-03.

Véxase tamén

Wikimedia Commons ten máis contidos multimedia na categoría:  Forzas Armadas dos Estados Unidos de América

Ligazóns externas

• Sitio web oficial do Departamento de Defensa dos EUA