Fol (pneumático)

Un fol ou fole é un dispositivo mecánico cuxa función é a de conter ar para expelelo a certa presión e en certa dirección para diversos fins. Basicamente, un fol é un contedor deformábel o cal ten un bico de saída. Cando o volume do fol diminúe, o ar sae expulsado do mesmo a través dun bico. Un típico fol ten tamén unha entrada e saída de ar separadas ou valvas de non retorno (valva check), o que asegura que o ar entre e saia nunha dirección determinada. Noutros termos, pódeselle considerar como unha especie de bomba pneumática.

Fol ou barquín nunha forxa.

Usos

Metalurxia

Antigo fol usado nas forxas.

Bomba de fol.

Durante numerosos procesos, tales como a fundición ou a forxa de metais e incluso a soldadura, requírese moita calor, o cal só puido desenvolverse a través da invención do fol. Os foles son usados para achegar ar ao combustíbel elevando o nivel de combustión e consigo a cantidade de calor. Varios tipos de foles úsanse na metalurxia.

• Fol de caixa (usados tradicionalmente en Asia.)
• Fol de ola
• Fol de acordeón
• Fol de émbolo
• Fol axial

O antigo enxeñeiro chinés Du Shi nalgunha ocasión usou o poder do movemento das caídas da auga para accionar foles de altos fornos para a forxa do ferro, contra o século III a. C.. Os antigos gregos e os romanos e outras civilizacións usaron os foles en fornos onde se producía ferro coado. Na industria moderna os foles reciprocantes son usualmente substituídos por ventiladores motorizados.

Instrumentos musicais

Órgano barroco do Mosteiro de las Huelgas (Valladolid), c. 1706. Obra de Juan Casado Valdivielso

Nalgúns instrumentos musicais, os foles úsanse frecuentemente coma un substituto ou regulador do ar a presión provista polos pulmóns humanos.

Os instrumentos a seguir usan foles:

• Acordeón ou concertina e outros instrumentos relacionados
• Órgano de tubos
• Algúns tipos de gaita
• Harmonio
• Órgano portátil
• Hydraulis (tamén chamado órgano hidráulico)

Os reloxos de cuco tamén usan un fol para xerar o clásico son.

Notas

1. Archaeogate, Egiptología
2. Museo Davistown
3. Gernet, Jacques, trans. by J. R. Foster (1972): A History of Chinese Civilization, Cambridge University Press.

Véxase tamén

Outros artigos

• Fragua ou forxa.

Ligazóns externas

• Para ver foles usados na primitiva ferraría (en inglés).
• Foles. Unha discusión xeral sobre os foles no traballo de metais. (en inglés)
• Foles de órgano en Commons.