Foca mediterránea

A foca mediterránea,^[2] ás veces foca monxe,^[3] (Monachus monachus) é unha especie pertencente á familia dos fócidos.

Foca mediterránea
Estado de conservación
En perigo[1]
Clasificación científica
Reino: Animalia Filo: Chordata Clase: Mammalia Orde: Carnivora Suborde: Pinnipedia Familia: Phocidae Xénero: Monachus Especie: M. monachus
Nome binomial
Monachus monachus (Hermann, 1779)
Distribución da Foca monxe. Distribución da Foca monxe.

Características

Os machos poden acadar os 3,40 metros de lonxitude, namentres as femias non pasan dos 2,50 metros. O lombo é escuro, sendo a parte ventral máis pálida. Non ten orellas e posúe unhas unllas fortes nas aletas dianteiras. Habita en costas e areais do mar Mediterráneo, en lugares de difícil acceso. É unha especie diúrna, sedentaria, que vive en pequenas colonias. Aliméntase de peixes, luras e crustáceos.

Distribución

Antigamente estendíase por todo o mar Mediterráneo e o mar Negro. Tamén estaba presente nas costas atlánticas de Marrocos, chegando ata as Illas Canarias e Madeira. A comezos do século XXI só sobreviven uns 500 exemplares. Trátase dunha especie en grave risco de extinción.