Filoloxía clásica

A filoloxía clásica é a rama da filoloxía que atende ao estudo das linguas clásicas: latín e grego clásico. É, ademais, unha rama dos estudos clásicos.

Obxecto de estudo

A filoloxía clásica ocúpase do estudo das linguas latina e grega antiga. Ao estudarse sempre en conxunto co resto das disciplinas que engloban os estudos clásicos, os filólogos clásicos ou clasicistas ocúpanse do estudo das civilizacións de Grecia e Roma no seu conxunto: linguas, historia, filosofía, mitoloxía, relixión, arte, arqueoloxía e política. Estes estudos foron considerados no mundo occidental como o xerme dos estudos das humanidades. A creación de novas subdisciplinas como os estudos do sánscrito e do indoeuropeo contribuíu con achegas directas ou indirectas ao campo da filoloxía clásica.

Tradicionalmente asociáronse aos estudos de filoloxía clásica nun sentido estrito todos aqueles que están relacionados coa historia e as culturas de Grecia e de Roma:

• Historia de Grecia e Roma.
• Mitoloxía clásica.
• Historia da arte clásica.
• Filosofía grega e romana.
• Fonética, morfoloxía e sintaxe.
• Lingüística diacrónica, dialectoloxía e historia da lingua.
• Linguas indoeuropeas: sánscrito.
• Epigrafía, paleografía e papiroloxía.
• Métrica.
• Retórica.
• Crítica textual.
• Tradución.

En varios países de Europa, como no Reino Unido, a especialización en Historia Antiga, así como calquera afondamento relacionado co mundo clásico (arte, filosofía, mitoloxía e historia) lévase a cabo dentro do departamento ou facultade de estudos clásicos. Na maioría das universidades europeas, os estudos clásicos existen como un departamento dentro dunha facultade. Con todo nas universidades británicas de Oxford e Cambridge existe unha facultade especializada para estes.

Clasicistas famosos

• Friedrich Nietzsche.
• Theodor Mommsen.
• Ulrich von Wilamowitz-Möllendorff.
• August Pauly.
• Georg Wissowa.
• Félix Jacoby.
• Eduard Fränkel.
• Hugh Lloyd-Jones.
• John Chadwick.

Clasicistas famosos españois

• Agustín García Calvo.
• Antonio López Eire.
• Antonio Tovar.
• Alberto Bernabé.
• Carles Riba.
• Francisco Rodríguez Adrados.
• José Manuel Pabón.
• Martín Sánchez Ruipérez.

Véxase tamén

Ligazóns externas

• Páxina do Grao en Filoloxía Clásica da Universidade de Santiago de Compostela.
• Asociación de Jóvenes Investigadores Filólogos Arquivado 19 de setembro de 2007 en Wayback Machine. da Universidade Complutense de Madrid (AJIF–UCM).
• Sección galega da Sociedad Española de Estudos Clásicos (SEEC).
• Ganímedes. Asociación de Investigadores Noveles de Filología Clásica