From Wikipedia, the free encyclopedia
A Festa do albariño é unha festa vinícola que se celebra en Cambados o primeiro domingo do mes de agosto. E a máis antiga do seu tipo en Galicia, e a segunda de España. Está declarada de Interese Turístico Nacional, e congrega arredor de 150.000 persoas, o que fai desta cita unha das máis importantes do calendario festivo galego.
A orixe desta festa foi un desafío no 1953 de Bernardino Quintanilla ó seu amigo Ernesto Zárate para demostrar cal era o mellor albariño da colleita de 1952.
A festa ten dúas caras. Unha máis pública, que se caracteriza por unha serie de espectáculos musicais e pirotécnicos, exposicións, competicións deportivas, talleres e cursos sobre os aspectos produtivos do albariño e unha degustación colectiva. A segunda cara, confórmana os actos oficias, concretamente o desfile do Capítulo Serenísimo do Albariño, que o domingo da festa sae dende a praza do concello ata o Pazo de Fefiñáns, en cuxo patio de armas se dá o acto de nomeamento das Damas e Cabaleiros de Honra. Nese momento, o Gran Mestre da Orde toca ós elixidos cunhas follas de vide, dálles a beber unha copa de viño, entrégalles a medalla e vísteos coa capa do Capítulo. Tamén se fan entrega de distincións e nomeamentos de Xóves Albariñenses, Albariñenses de Honra e Follas de Prata.
Despois da celebración deste nomeamento, ten lugar un xantar oficial na cal se fan públicos os tres albariños premiados no certame da cata.
O que máis destaca e se fai ver ó longo dos días en que se desenvolve a Festa do Albariño son as peñas que dan colorido e ambiente á festa coas súas camisetas. Esta tradición é de orixe máis recente. Cada peña deseña unha camiseta na que destacan principalmente dúas cousas: un lema e unha representación gráfica. As peñas adoitan a repetir o seu lema ano tras ano, coma son os caso de É mellor que faga dano ca que se perda, Cheghar e encher e Unha Grande Chea. Nas últimas edicións o concello promove un concurso de camisetas.
 |
Wikimedia Commons ten máis contidos multimedia na categoría: Festa do albariño  |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
