Federación das Indias Occidentais

Federación das Indias Occidentais
	West Indian Federation (en)
	Bandeira
Himno	God Save the King
Localización
	10°41′N 61°38′O
Capital	Chaguaramas (en) ; Porto España
Poboación
Lingua oficial	lingua inglesa
Datos históricos
Precedido por	Índias Ocidentais Britânicas (pt) , Colony of Trinidad and Tobago (en) e Colonia de Xamaica
Creación	1958
Disolución	1962
Sucedido por	Dominio de Trinidad e Tobago
Organización política
Forma de goberno	monarquía constitucional
Moeda	British West Indies dollar (en)

A Federación das Indias Occidentais (en inglés: West Indies Federation;^[1]^[2] tamén coñecida como West Indies,^[3]^[4] ou Federation of the West Indies)^[5] foi unha unión política de curta duración que existiu dende o 3 de xaneiro de 1958 até o 31 de maio de 1962. Varias illas do Caribe que foron colonias do Reino Unido, incluíndo Trinidad e Tobago, Barbados, Xamaica, e as Illas de Sotavento e Barlovento Británicas, xuntáronse na forma dunha federación, coa súa capital en Porto de España. O obxectivo da Federación era crear unha unidade política que puidese independizarse do Reino Unido como un único estado, semellante á Confederación Canadense, á Australian Commonwealth ou á Federación de Rodesia e Nyasalandia; porén, antes de que puidese acontecer, a Federación colapsou por mor de conflitos políticos internos sobre a maneira na que debía ser gobernada. A formación da Federación das Indias Occidentais foi promovida polo Reino Unido, mais tamén foi requirida polos nacionalistas das Indias Occidentais.^[6]