Exitálidos

A dos exitálidos^[1] (Aegithalidae) é unha familia de aves da orde dos paseriformes, subordo dos páseros, infraorde dos paséridos, e da superfamilia dos silvioideos.

Exitálidos Aegithalidae
Ferreiriño rabilongo (Aegithalos caudatus)
Clasificación científica
Reino: Animalia Filo: Chordata Subfilo: Vertebrata Clase: Aves Orde: Passeriformes Suborde: Passeri Infraorde: Passerida Superfamilia: Sylvioidea Familia: Aegithalidae Reichenbach, 1850
Distribución dos exitálidos Distribución dos exitálidos
Xéneros e Especies
Véxase o texto

Comprende trece especies distribuídas en catro xéneros.

Características

• Teñen as colas de tamaño de mediano a longo (de aí o seu nome en inglés long-tailed tits, é dicir, paros de cola longa).
• Fan niños en forma de bolsas entretecidas, colgantes de árbores.
• A maioría das súas especies aliméntanse cunha dieta mixta, que inclúe insectos.

Taxonomia

Descrición

A familia foi descrita en 1850 polo botánico e zoólogo alemán Ludwig Reichenbach na súa obra Vollständigste Naturgeschichte des In- und Auslandes, publicada entre 1845 e 1854 en 2 volumes, en 9 fascículos, con máis de 1 000 láminas.

Etimoloxía

O nome científico Aegithalidae está formado sobre a base da raíz do nome do seu xénero tipo, Aegithalos, coa adición da desinencia do latín científico ´-ideae, tirada da foma do grego antigo -ειδής, -eidḗs, da raíz de εἶδος, eĩdos "forma", "aspecto", "aparencia", usada para a formación do nome das familias de animais.

Clasificación

Na actualidade recoñécense na familia os seguintes xéneros e especies:^[2]

Niño de Aegithalos caudatus.

Familia Aegithalidae Reichenbach, 1850

• Xénero Aegithalos, Hermann 1804 ^[3]
  • Aegithalos bonvaloti (Oustalet, 1892)
  • Aegithalos caudatus (Linnaeus, 1758)
  • Aegithalos concinnus (Gould, 1855)
  • Aegithalos fuliginosus (J. Verreaux, 1869)
  • Aegithalos glaucogularis (Moore, 1855)
  • Aegithalos iouschistos (Blyth, 1845)
  • Aegithalos leucogenys (Moore, 1854)
  • Aegithalos niveogularis (Gould, 1855)
  • Aegithalos sharpei (Rippon, 1904)
• Xénero Leptopoecile, Severtzov 1873 ^[4]
  • Leptopoecile elegans Prjevalsky, 1887
  • Leptopoecile sophiae Severtzov, 1873
• Xénero Psaltria, Temminck, 1836 ^[5]
  • Psaltria exilis Temminck, 1836
• Xénero Psaltriparus, Bonaparte, 1850 ^[6]
  • Psaltriparus minimus (J. K. Townsend, 1837)

Notas

1. Termo exitálidos en Digalego
2. Aegithalidae no ITIS.
3. Aegithalos Hermann, 1804 no ITIS.
4. Leptopoecile Severtzov, 1873 no ITIS.
5. Psaltria Temminck, 1836 no ITIS.
6. Psaltriparus Bonaparte, 1850 no ITIS.

Véxase tamén

Wikimedia Commons ten máis contidos multimedia na categoría:  Exitálidos

Wikispecies posúe unha páxina sobre:  Exitálidos

Bibliografía

• del Hoyo, J.; Collar, N. J.; Christie, D. A.; Elliott, A.; Fishpool, L. D. C.; Boesman, P. & Kirwan, G. M. (2016): HBW and BirdLife International Illustrated Checklist of the Birds of the World. Volume 2: Passerines. Bellaterra (Barcelona): Lynx Edicions ISBN 978-84-96553-98-9.

Outros artigos

• Paseriformes
• Páseros
• Paséridos
• Silvioideos

Ligazóns externas

• Aegithalos Hermann, 1804 no ITIS.
• Aegithalidae na EOL.
• Aegithalidae Arquivado 07 de xuño de 2016 en Wayback Machine. en Fauna Europaea.
• Vídeos e fotos de exitálidos en Internet Bird Collection.