Eleccións xerais de España de 1881
From Wikipedia, the free encyclopedia
As Eleccións xerais de 21 de agosto de 1881 en España foron convocadas baixo o reinado de Afonso XII en base ao disposto na Constitución española de 1876, vixente ata 1931, na coñecida como Restauración borbónica en España.
| Eleccións xerais de España de 1881 | |
|---|---|
| ← 1879 1884 → | |
| Data | 21 de agosto de 1881 |
| Tipo | Eleccións xerais en España |
| Cargo elixido | Deputado das Cortes |
| Resultado da votación | |
Antecedentes
En 1878 o grupo de vellos unionistas dirixido por Manuel Alonso Martínez abandona o Partido Liberal-Conservador e regresa ás filas do Partido Constitucional de Sagasta, que abandonara en 1875. En 1880, tras cinco anos consecutivos de goberno, continúa a erosión do Partido Liberal-Conservador. O 9 de marzo de 1880, o xeneral Arsenio Martínez Campos, pásase cos seus seguidores ao Partido Constitucional. Ese mesmo ano abandonan as filas conservadoras e súmanse ás liberais José Pousada Herrera, antigo dirixente da Unión Liberal e presidente do Congreso nas primeiras Cortes da Restauración, así como un grupo de vellos notables do Partido Moderado que non atopan acomodo nas filas conservadoras, como o conde de Xiquena ou Balmaseda. A raíz destas incorporacións, o Partido Constitucional pasou a denominarse Partido Liberal Fusionista.
En xaneiro de 1881 Sagasta, fortalecido o seu partido, reclamoulle ao rei Afonso XII que cesase os conservadores e chamase ao goberno os liberal-fusionistas. O rei accedeu á demanda de Sagasta e o 8 de 1881 este asumiu por primeira vez na Restauración a presidencia do Consello de Ministros.
Características
O número de votantes para estas eleccións era de 846.961 (o 4,99% da poboación total), mediante sufraxio restrinxido. Elixíronse 392 deputados o día 20 de agosto de 1881.
Composición do Congreso dos Deputados
| Partido | Escanos | Líder | ||||
| Partido Liberal Fusionista | 290 | Práxedes Mateo Sagasta | ||||
| Partido Liberal-Conservador | 62 | Antonio Cánovas del Castillo | ||||
| Partido Demócrata, Partido Progresista | 32 | Emilio Castelar, Cristino Martos Balbi | ||||
| Unión Católica | 2 | Alejandro Pidal y Mon | ||||
| Comuñón Tradicionalista | 2 | José María Ampuero y Jáuregui | ||||
| Unión Vasca | 1 | Joaquín de Vera y Olazábal, marqués de Narros | ||||
| Independentes | 3 | |||||
Véxase tamén
Outros artigos
Ligazóns externas
Wikiwand - on
Seamless Wikipedia browsing. On steroids.