From Wikipedia, the free encyclopedia
As Eddas son coleccións de historias relacionadas coa mitoloxía nórdica. Con ese nome coñécense dúas recompilacións literarias islandesas medievais que xuntas forman o corpus máis importante para coñece-la mitoloxía nórdica.
Estas son partes fragmentarias dunha antiga tradición escáldica de narración oral (actualmente perdida) que foi recompilada e escrita por eruditos que preservaron unha parte destas historias.
As escolmas son dúas: A Edda prosaica (coñecida tamén como Edda menor ou Edda de Snorri) e a Edda poética (tamén chamada Edda Maior ou Edda de Saemund).
Na Edda poética recompiláronse poemas moi antigos, de carácter mitolóxico e heroico, realizada por un autor anónimo cara ao ano 1250.
A Edda de Snórri foi composta por Snorri Sturluson (1179-1241) contra os anos 1220 ou 1225. Esta Edda non está formada por poemas, xa que está escrita en prosa. Con esta Edda o poeta e guerreiro islandés Snorri tentaba axudar á formación de poetas no estilo tradicional escáldico, unha forma de poesía que data do século IX, moi popular en Islandia.
Existe un número de teorías referentes á orixe do termo Edda. Unha teoría sostén que é idéntica á palabra que parece significar "a grande avoa" (véxase Ríg). Outra teoría argumenta que Edda significa "poética". Unha terceira teoría estipula que significa "O libro de Oddi", onde Oddi é o lugar onde Snorri Sturluson foi educado.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.