O Dhaulagiri cunha altura de 8167 m é a sétima montaña máis elevada da Terra e a cima máis alta situada por enteiro nun único país.
![Thumb](http://upload.wikimedia.org/wikipedia/commons/thumb/9/92/DhaulagiriMountain.jos.500pix.jpg/320px-DhaulagiriMountain.jos.500pix.jpg)
O nome é unha contracción do sánscrito Dhavali giri, que significa "montaña branca".
O Dhaulagiri está situado no centro-norte do Nepal, relativamente preto da fronteira do Tíbet. Forma parte da cadea do Himalaia, a uns 35 km de distancia ao leste do pico do Annapurna, do que o separa o val de Kali Gandaki.
Foi descuberto para a cartografía en 1808 e ao longo de arredor de 30 anos despois foi considerado como o teito do mundo, até o descubrimento do Kanchenjunga, que pasou a ocupar o lugar, tamén erradamente, por uns anos.
O Daulaghiri é un macizo composto de dez picos que superan os 7.000 m:
Dhaulagiri I | 8.167 m |
Dhaulagiri II | 7.751 m |
Dhaulagiri III | 7.715 m |
Dhaulagiri IV | 7.661 m |
Dhaulagiri V | 7.618 m |
Churen Himal (Central) | 7.385 m |
Churen Himal (Leste) | 7.371 m |
Churen Himal (Oeste) | 7.371 m |
Dhaulagiri VI | 7.268 m |
Putha Hiunchuli | 7.246 m |
Gurja Himal | 7.193 m |
A cima foi conquistada polo ser humano o 13 de maio de 1960, por unha expedición conxunta helvético - austriaca, conducida por Max Eiselin, ao que acompañaban Kurt Diemberger, Peter Diener, Ernst Forrer, Albin Schelbert, Nyima Dorji e Nawang Dorji. Foi a primeira expedición ao Himalaia que contou con apoio aéreo, cun avión, un Pilatus PC-6, que por desgraza se estrelou contra a montaña, onde o aparello ficou abandonado.
En 1979 tivo lugar a primeira escalada española á cima: o catalán Jordi Pons e os vascos Iñaki Aldaya, Javier Garayoa e Gerardo Plaza.
![]() |
Wikimedia Commons ten máis contidos multimedia na categoría: Dhaulagiri ![]() |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.