O dólar tuvalés (en inglés Tuvaluan dollar ou simplemente dollar) é a moeda oficial de Tuvalu dende 1976. A pesar de todo, o dólar de tuvalés non é legalmente unha unidade monetaria independente, senón que se trata dunha emisión especial de moedas do dólar australiano coa efixie da raíña Isabel II no anverso, e motivos da fauna do arquipélago no reverso. Os billetes empregados en Tuvalu son os mesmos que os australianos, ademais as moedas australianas tamén circulan co mesmo valor que as de Tuvalu. O dólar tuvalés ten unha relación co dólar australiano similar á existente entre a coroa feroesa e a coroa dinamarquesa.
Para outras páxinas con títulos homónimos véxase: Dólar.
| Dólar tuvalés | |
|---|---|
| Tuvaluan dollar en inglés | |
| Código: | AUD ou TVD (non oficial) |
| Ámbito: |  Tuvalu (xunto co dólar australiano) |
| Símbolo: | $, T$ ou TV$ |
| Fracción: | 100 cents (¢) |
| Moedas: | 5, 10, 20 e 50 cents 1 dólar |
| Billetes: | circulan billetes de dólar australiano |
| Emisor: | Banco de Reserva de Australia |
| Taxa de troco: 12-08-2011 | 1 EUR = 1,3761 TVD 1 USD = 0,9658 TVD |
Como o dólar de Tuvalu non é unha moeda independente, non ten un código ISO específico e polo tanto comparte o código estándar internacional das moedas australianas, AUD. Normalmente abréviase como $ ou T$ para diferencialo do dólar estadounidense e doutros tipos de dólares.
A taxa de troco é a mesma que a do dólar australiano, a moeda de valor legal en Tuvalu.
En 1976, as moedas foron introducidas en denominacións de 1, 2, 5, 10, 20 e 50 centavos e dun dólar. As moedas de 1 e 2 centavos foron acuñadas en bronce, as de 5, 10 e 20 centavos en cuproníquel e son do mesmo tamaño e composición que as moedas australianas deses valores. Non obstante, a moeda de 50 centavos, tamén de cuproníquel, é distinta á dodecagonal moeda de 50 centavos australiana e a moeda dun dólar tuvalé posúe nove lados e foi acuñada en cuproníquel. Como en Australia, as moedas de 1 e 2 centavos foron retiradas da circulación, mais as moedas de 2 dólares non se introduciron, como si se fixo en Australia.
Os reversos das distintas moedas teñen os seguintes motivos:
- 1 CENT: cuncha de lambis
- 2 CENTS: Dasyatidae
- 5 CENTS: tiburón tigre
- 10 CENTS: cangrexo
- 20 CENTS: exocoetidae
- 50 CENTS: polbo
- 1 DOLLAR: quelónidos
Outros artigos
Ligazóns externas
- Moedas de TuvaluArquivado 06 de setembro de 2011 en Wayback Machine. (en inglés)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
