Conservatorio Superior de Música do Liceo

O Conservatorio Superior de Música do Liceo (en catalán: Conservatori Superior de Música del Liceu) de Barcelona, fundado en 1837, é unha das escolas de música máis importantes e prestixiosas de Cataluña e de todo o Estado. Dende o 2009 o conservatorio está localizado no número 88 do Carrer Nou de la Rambla de Barcelona, logo de deixar a súa antiga sede na Plaça de Urquinaona da capital catalá, onde na actualidade se encontra o Centre Professional de Música del Liceu, un centro de estudos musical no que se imparten ensinanzas de Grao Profesional de Música, a aula de música moderna e jazz, e a escola de música.^[1][2]

Conservatorio Superior de Música do Liceo
Sede do Conservatori del Liceu
Datos xerais
Localización	Barcelona, Cataluña
Datos actuais
Datos de contacto
Enderezo	C/ Nou de la Rambla, 88 08001. Barcelona
Páxina web	www.conservatori-liceu.es
[ editar datos en Wikidata ]

Esta institución chegou a ter unha importancia primordial para a vida musical, non só de Barcelona senón de todo o mundo.^[3]

Historia

Edificio do Conservatorio Superior de Música del Liceo, na Praza Urquinaona, esquina Via Laietana de Barcelona.

O 21 de febreiro de 1837 constituíuse a Sociedad Dramática de Aficionados por un grupo de persoas presididas polo comandante Manuel Gibert i Sans, que implantou un centro de ensino adicado á música, o canto e á arte dramática en Barcelona. Ao cabo duns meses, o 10 de novembro, a sociedade pasou a denominarse Liceo Filarmónico Dramático de Montesión. O 27 de abril do ano seguinte celebrouse no Concello de Barcelona o acto de inauguración das cátedras do Liceo, e o 25 de xuño a institución mudaba o seu nome por Orde Real polo de Liceo Filarmónico Dramático de S.M. la Reina Isabel II, autorizando a raíña rexente María Cristina para que a sociedade levase o nome da súa filla.^[4] O primeiro Director das Cátedras de Música da institución barcelonesa foi Marià Obiols i Tramullas.^[5]

En 1847, a institución inaugurou o Gran Teatro do Liceo. En 1854, o conservatorio e o teatro separáronse administrativamente, mais ao longo da súa existencia, ata a data, mantiveron unha interrelación permanente entrámbalas institucións.

Centros

• Conservatorio Superior de Música
• Centro Profesional
• Escolas de Música

Dirección

Gran Teatro do Liceo na Rambla de Barcelona.

Os directores do Conservatorio foron:

• Mariano Obiols (1847-1888).
• Gabriel Balart i Crehuet (1889-1893).
• Francesc de Paula Sànchez Cavagnach (1893-1918).
• Joan Lamote de Grignon (1919-1931).
• Josep Barberà (1931-1938).
• Josep Biosca i Casas (1939-1949).
• Josep Munner (1949-1953).
• Pere Vallribera i Moliné (1953-1982).
• Ricard Villanueva.
• Anna Albors.
• Jaume Torrent.
• Evelio Tieles.
• Benet Casablancas.

Mestres e alumnado

Entre os mestres destacados que pasaron pola institución destacan:

• Antoni Nicolau.
• Jaime Pahissa.
• Ricard Valls.
• Salvador Pueyo.
• Antoni Ros-Marbà.
• Josep Còdol.
• Pau Casals.
• Higini Anglès.
• Joaquim Zamacois.
• Antoni Massana.
• Josep Muset.
• Miquel Querol.
• Rafael Grimal.
• Josep Maria Llorens.

Nas súas aulas formáronse, entre outros:

• Francesc Viñas.
• Francisco Casanovas.
• Miguel Fleta.
• Frederic Mompou.
• Victoria de los Ángeles.
• Montserrat Caballé.
• Josep Carreras.
• Conchita Supervía.