edificio relixioso en España, o século XIII From Wikipedia, the free encyclopedia
A Santa Igrexa Basílica Catedral Metropolitana de San Salvador de Oviedo é unha catedral de estilo gótico situada na cidade de Oviedo (Principado de Asturias). É coñecida tamén como Sancta Ovetensis, referíndose á calidade e cantidade das reliquias que contén. Comezou a edificarse a finais do século XIII pola sala capitular e o claustro, e a súa construción prolongouse durante tres séculos ata o remate da torre a mediados do século XVI. Posteriormente engadiríase un deambulatorio no século XVII ademais de diversas capelas anexas ás naves laterais.
| Catedral de Oviedo | |
|---|---|
 | |
| País | España |
| Localización | Oviedo |
| Coordenadas | 43°21′45″N 5°50′35″O |
| Diocese | Arquidiocese católica latina de Oviedo |
| Estilo | Arquitectura gótica |
| Páxina web | http://catedraldeoviedo.com/ |
| [ editar datos en Wikidata ] | |
A igrexa está emprazada no lugar do anterior conxunto catedralicio prerrománico do século IX, algún de cuxos edificios sobreviviron. Por esta razón e o dilatado da construción do edificio actual, este contén estruturas de estilo prerrománico (Cámara Santa), románico (bóvedas e apostolado da Cámara Santa), renacentista (remate da torre) e barroco (Deambulatorio, Capela do Rei Casto e outras capelas).
A Cámara Santa, do século IX, está declarada Patrimonio da Humanidade pola Unesco e alberga as xoias máis prezadas da catedral: as cruces da Vitoria e dos Anxos, símbolos de Asturias e da cidade de Oviedo respectivamente, a Caixa das Ágatas e o Arca Santa que contén un gran número de reliquias entre as que se encontra o Santo Sudario.
 |
Wikimedia Commons ten máis contidos multimedia na categoría: Catedral de Oviedo |
Seamless Wikipedia browsing. On steroids.