Casa Buonarroti

Casa Buonarroti é un museo consagrado a Michelangelo na cidade de Florencia, situado no palacio da familia Buonarroti, na esquina da vía Ghibellina e da vía Buonarroti.

Casa Buonarroti
Fachada da Casa Buonarroti.
Coordenadas
País	Italia
Cidade	Florencia
Tipo	Museo de arte
Director	Pina Ragionieri
Inauguración	1859
Na rede
https://www.casabuonarroti.it/ e http://www.casabuonarroti.it
[ editar datos en Wikidata ]
v c e

Non é a casa natal de Michelangelo Buonarroti, pois fíxoo en Caprese na provincia de Arezzo, senón que se trata dunha das casas en que viviu o artista. O seu sobriño Leonardo, entre os anos 1546 a 1553 fixo edificar o palacio que foi logo ampliado e restaurado na súa actual forma en 1612 por Michelangelo o Mozo, cara a 1612. O Mozo utilizou un proxecto que comprendía dous deseños do propio Michelangelo. O seu último descendente, Cosimo, ofreceu o edificio e as súas coleccións á cidade, e en 1859, un ano logo da súa morte, o palacio foi aberto como museo.

O aspecto externo do palacio é moi simple. Distínguese só o portal, sobre o que se atopa un busto de bronce, copia do retrato de Michelangelo feito por Daniele da Volterra e conservado no museo do Bargello.

O principal interese deste museo é a bela colección de obras do ilustre escultor reunida ao longo dos séculos pola familia Buonarroti, descendentes do seu irmán, xa que o propio Michelangelo non tivo fillos.

Nos ambientes nobiliarios están os frescos do século XVII que exaltan a vida e as obras de Michelangelo, algún deles obra de Artemisia Gentileschi.

Véxase tamén

Wikimedia Commons ten máis contidos multimedia na categoría:  Casa Buonarroti

Outros artigos

• Michelangelo

Ligazóns externas

• Páxina web do museo (en italiano) (en inglés)
• Procacci, U., La casa Buonarroti a Firenze, Milán, Electa, 1965
• Ragionieri, V., Casa Buonarroti, Florencia, SPES, 1987