Carlos Montes Marqués

Carlos Alberto Montes Marqués, nado no Carballiño en 1966, é un historiador e político galego do PSdeG-PSOE.

Carlos Montes Marqués

(2010)
Biografía
Nacemento	1966 (57/58 anos) O Carballiño, España
Alcalde do Carballiño
2005 – 2011 ← Pachi Vázquez – Argimiro Marnotes Fernández →
Datos persoais
Educación	Universidade de Santiago de Compostela
Actividade
Ocupación	político, historiador

Traxectoria

Licenciado en Xeografía e Historia pola Universidade de Santiago de Compostela. Foi director da emisora Cablevisión do Carballiño (1997). En 1999 foi nomeado director da Escola Taller Arenteiro.^[1] Nas eleccións municipais de 2003 foi o número 2 da lista do PSdeG-PSOE e foi elixido concelleiro do Carballiño e tenente alcalde. Logo da renuncia de Pachi Vázquez para se presentar ás eleccións autonómicas do 2005, foi elixido alcalde do Carballiño en maio dese ano. Nas municipais de 2007 foi o candidato do PSdeG á alcaldía do Carballiño e foi elixido alcalde ó selo cabeza de lista máis votado. Foi deputado provincial (2007-2011). Presidiu a comisión da sección de vilas termais da FEGAMP e foi membro da executiva do mesmo departamento da FEMP.^[2] Renunciou a presentarse á reelección en 2011, sendo substituído á fronte do PSdeG por Francisco Fumega e da alcaldía por Argimiro Marnotes Fernández.

Predecesor: Pachi Vázquez

Alcalde do Carballiño  2005 - 2011

Sucesor: Argimiro Marnotes Fernández

Obras

• As orixes do Carballiño (1600-1750), Centro de Estudios Chamoso Lamas, 2003.

• Alarifes do Carballiño, Centro de Estudios Chamoso Lamas, 2023.^[3]

Notas

1. La Voz de Galicia, Ourense, 3-12-1999, p. 43.
2. Carballiño, una villa con futuro termal
3. Carlos Montes presenta o seu libro “Alarifes do Carballiño”

Véxase tamén

Outros artigos

• Eleccións municipais no Carballiño