O antigo sinal de socorro CQD utilizábase nas transmisións telegráficas ata principios do século XX. CQD interpretouse como: "Come Quickly, Distress" (Veñan Rápido, Problemas), aínda que o seu autentico significado é: "CQ (Copy Quality)", código de chamada xeral e "D de Distress (Problema)".
Orixinouse o 7 de xaneiro de 1904 na "circular 57" da Compañía Marconi Internacional de Comunicacións Marítimas e comezouse a empregar o 10 de febreiro dese ano nas súas instalacións.
Os telégrafos empregaran tradicionalmente a "calidade de copia"(CQ = Copy Quality) para identificar mensaxes do interese a todas as estacións ao longo dunha liña de telégrafo e segue utilizándose hoxe en día por radioaficionados para iniciar o contacto (CQ soa a seek you). O prefixo CQ trasladouse á radio e obviamente aos barcos, pero nin o telégrafo nin a radio tiñan unha chamada de auxilio, polo que Marconi suxeriu o uso dunha D para sinalar que había problemas.
Trala Conferencia Internacional da Comunicación Inalámbrica en Mar de Berlín en 1906, na que se aprobou un novo código máis sinxelo, o SOS adoptado case un ano antes por Alemaña, comezou a súa lenta desaparición, aínda que cómpre sinalar que nunca foi adoptado como sinal internacional.
En Código Morse escríbese : — · — · / — — · — / — · ·
Co que demostrase por qué foi substituído por SOS ( ··· — — — ··· ), moito máis sinxelo.
Nos barcos británicos tardou máis en desaparecer. Así, no RMS Titanic, a primeira mensaxe de socorro foi: "CQD CQD CQD CQD CQD CQD de MGY MGY MGY MGY MGY position 41.44 N 50.24 W"
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
