Branquiúros

Os branquiúros (Branchiura) son unha subclase de crustáceos maxilópodos que comprende unhas 130 especies^[1] clasificadas todas nunha soa orde, os arguloides (Arguloida), e unha soa familia, os argúlidos (Argulidae), composta polos xéneros Argulus, Dolops e Chonopeltis.

Non confundir con Braquiúros.

Branchiura
Argulus sobre as branquias dun peixe
Clasificación científica
Reino: Animalia Filo: Arthropoda Subfilo: Crustacea Clase: Maxillopoda Subclase: Branchiura Orde: Arguloida Familia: Argulidae
Xéneros
Argulus Dolops Chonopeltis

Os branquiúros son fundamentalmente ectoparasitos de peixes mariños e de auga doce, aínda que tamén hai algunhas especies de vida libre. A diferenza dos copépodos, ademais do único ollo fusionado, posúen dous ollos simples a cada lado da cabeza.

O corpo dos branquiúros é traslúcido, ata o punto de que o que mellor se aprecia é a zona abdominal, onde se encontra o aparato dixestivo. Estes parasitos adoitan fixarse ás branquias dun peixe, ás veces en cantidades tan grandes que poden causar a morte do animal hóspede. As súas mandíbulas están reducidas, presentan beiras cortantes e están aloxadas dentro dun aparato en forma de estilete chamado probóscide, mentres que os apéndices se reducen, sen chegaren a desaparecer de todo. A diferenza dos copépodos parasitos, os branquiúros non recuperan a súa forma libre unha vez que iniciaron a súa etapa parasitaria ata o final da súa vida na época de apareamento.

Clasificación

Segundo Martin & Davis (2001),^[2] os branquiúros clasifícanse da seguinte maneira:

Subclase Branchiura Thorell, 1864

Orde Arguloida Yamaguti, 1963

Familia Argulidae Leach, 1819