Billy Howerdel

Billy Howerdel, nado o 18 de maio de 1970 en Nova Jersey, é o fundador, guitarrista, compositor e produtor das bandas A Perfect Circle e Ashes Divide.

Billy Howerdel

Nome orixinal	(en) William L. Howerdel (en) Billy Howerdel
Biografía
Nacemento	18 de maio de 1970 (54 anos) West Milford, Estados Unidos de América (pt)
Educación	West Milford High School (en)
Actividade
Ocupación	guitarrista, compositor, cantante
Período de actividade	1988 -
Membro de	A Perfect Circle Ashes Divide
Xénero artístico	Música rock
Instrumento	Guitarra e voz
Descrito pola fonte	Obálky knih,
Páxina web	billyhowerdel.com

Traxectoria

Antes de formar A Perfect Circle, Howerdel traballara como técnico de guitarras para Faith No More, Fishbone, David Bowie, The Smashing Pumpkins, Nine Inch Nails e Guns N' Roses entre outras bandas.

Howerdel traballou coma "roadie" e técnico de Pro Tools para Tool durante a gravación e xira de Ænima, traballando con Maynard James Keenan, ao cal coñecera en 1992. Durante este tempo, Howerdel tocoulle a Keenan algunhas das súas cancións e Keenan ofreceuse a cantalas se Howerdel decidía formar unha banda. A pesar de que el prefería unha voz feminina, Howerdel aceptou o ofrecimento de Keenan. En 1999 Howerdel fundou A Perfect Circle e invitou a Keenan a unirse como cantante.

Howerdel ocasionalmente tocou en directo coa banda Abandoned Pools. No 2005 compuxo e gravou música para o videoxogo Jak X: Combat Racing, coas colaboracións de Danny Lohner e Josh Freese, Joey Castillo e Troy Van Leeuwen de Queens of the Stone Age, Atom Willard de The Offspring, a ex-baixista de A Perfect Circle Paz Lenchantin, e Wes Borland de Limp Bizkit.

No ano 2005, durante un parón de A Perfect Circle, Howerdel creou a banda Ashes Divide. Howerdel encargouse de todos os instrumentos nas sesións de gravación, agás da batería, da que se encargou Josh Freese. No ano 2008 a banda editou o seu álbum de estrea, Keep Telling Myself It's Alright.

Véxase tamén

Ligazóns externas

• Páxina oficial de Billy Howerdel (en inglés)