Barbara Jane Huberman, coñecida como Barbara Liskov ou Barbara Jane Liskov, nada nos Ánxeles (California) o 7 de novembro de 1939, é unha destacada especialista en computación estadounidense.[1][2]
Traxectoria
Traballa no departamento de enxeñaría eléctrica e informática do MIT, como profesora de enxeñería de Ford. Licenciouse en matemáticas pola Universidade de California, Berkeley, en 1961, e anos máis tarde, en 1968, converteuse na primeira muller dos Estados Unidos en obter un doutoramento (Doctor Philosophiae) en ciencias da computación, pola Universidade de Stanford.[3]
Barbara Liskov dirixiu varios proxectos significativos, como o deseño e implementación da linguaxe de programación CLU, a primeira linguaxe de programación que admite a abstracción de datos; Argus, que foi a primeira linguaxe de alto nivel que admitiu a implementación de programas distribuídos, e Thor, un sistema de base de datos orientado a obxectos. Xunto con Jeannette Wing, desenvolveu unha definición particular de subtipo, comunmente coñecida como principio de substitución de Liskov.[4]
Ademais, Liskov é autor de tres libros e centos de informes técnicos.[5]
Recoñecementos
A profesora Liskov pertence á National Academy of Engineering (National Academy of Engineering, en inglés) dos Estados Unidos .
En 2004 gañou a Medalla John von Neumann pola "súa contribución fundamental ás linguaxes de programación, ás metodoloxías de programación e aos sistemas distribuídos".[6]
En 2008 gañou o Premio Turing pola "súa contribución aos fundamentos teóricos e prácticos no deseño de linguaxes e sistemas de programación, especialmente relacionados coa abstracción de datos, a tolerancia a fallos e a computación distribuída".[7]
En 2018 foi nomeada doutora honoris causa pola UPM.[8]
Notas
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
