Bandeira dos guaranís

A bandeira dos guaranís (en guaraní: Guarani poyvi) é o símbolo que representa os guaranís, un pobo indíxena de América do Sur cuxa distribución tradicional é o estado actual de Paraguai, entre os ríos Uruguai e Paraguai, a Provincia de Misiones da Arxentina, o sur do Brasil, outrora até Río de Xaneiro, e partes do Uruguai e Bolivia.^[1] A bandeira foi deseñada polas Autoridades da Asemblea Nacional do Pobo Guaraní (A.P.G), dirixentes dos Pobos Guaranís e o Consello Guaraní, e representa os distintos pobos guaranís existentes, como os weenhayek, os tapietes e ava guaranís. Foi adoptada en 2015 como símbolo departamental de Tarija, en Bolivia.^[2][3][4] Dende 2020, é a bandeira oficial do Territorio Autónomo Guaraní Charagua Iyambae de Bolivia.

Cada pobo ten tamén a súa propia bandeira, mais quixemos identificarnos primeiro con esta.

Teófilo Murillo Bayard, secretario de Pobos Indíxenas

Bandeira dos guaranís
Características
Uso	...
Proporción	2:3
Adopción	2015 (símbolo departamental de Tarija) 2020 (bandeira oficial do Territorio Autónomo Guaraní Charagua Iyambae)
Cores	Celeste     Verde      Marrón
v c e

Uso

Dende 2015, é izada en actos da gobernación de Tarija, a carón da bandeira de Bolivia e a bandeira departamental.^[5]

En 2020, foi adoptada como bandeira oficial do Territorio Autónomo Guaraní Charagua Iyambae.

Simboloxía

• A cor celeste representa a contorna, a cultura, a liberdade, o futuro, o aire, o ceo e os ríos.
• A cor verde representa a biodiversidade, as serras, as chairas, a flora e a fauna.
• A cor marrón representa a terra, os territorios dos pobos guaranís e os recursos naturais dos subsolos.^[5]

Outras bandeiras guaranís

• 
  Bandeira dos guaranís mbyás no Brasil.
• 
  Bandeira dos guaranís na Arxentina e Paraguai.^[6]
• 
  Algúns pobos guaranís da Arxentina e Paraguai adoptaron a Wiphala como a súa bandeira.^[7][8][9]
• 
  Outra versión da bandeira dos guaranís, coas cores de fondo da bandeira de Paraguai.

Notas

1. "Society-GUARANI". Arquivado dende o orixinal o 25 de setembro de 2006. Consultado o 18 de febreiro de 2017.
2. "WEENHAYEK".
3. "Tapiete (Ñandereta)".
4. "Indígenas orgullosos de su bandera y sus colores en la Gobernación". 23 de xuño de 2015.
5. "Indígenas orgullosos de su bandera y sus colores en la Gobernación".
6. "Emergencia territorial indígena: piden que se prorrogue la ley para terminar el relevamiento". Agencia Andar. 25 de setembro de 2017.
7. Galmarini, Miguel (24 de abril de 2019). "La Policía incorpora la Bandera guaraní con los colores del arco iris". Misiones.
8. "Argentina: Reconocen a la bandera wiphala como emblema de los pueblos originarios".
9. "LEY 6.781, 20 de Abril de 2011, Reconocerse a la bandera indigenista "Wiphala", como emblema de los pueblos originarios de América.".