Antonio Valcárcel López

Antonio Valcárcel López de Lemos, nado en Ourense o 10 de setembro de 1887 e finado en Madrid o 28 de marzo de 1963, foi un avogado e escritor galego.^[1]

Non confundir con Antonio Valcárcel Quiroga.

Antonio Valcárcel López

Biografía
Nacemento	10 de setembro de 1887 Ourense, España
Morte	28 de marzo de 1963 (75 anos) Madrid, España
Actividade
Ocupación	avogado, xornalista, escritor

Traxectoria

Doutor en Dereito Mercantil, Economía e Estatística. Funcionario da Arrendataria de Tabacos. Dende o 1 de maio de 1914 encargouse da dirección de El Eco de Galicia da Coruña,^[2] permanecendo no posto até o peche do xornal en 1916. Foi secretario da Cámara de Comercio da Coruña de 1916 a 1926. Elixido candidato a Cortes das Irmandades da Fala pola circunscrición da Coruña en 1918, finalmente retirouse a candidatura.^[3] Durante o franquismo foi secretario do Consello Superior das Cámaras de comercio.

Obras

• Poesías, 1917
• O municipio galego, 1917.
• Cámaras de comercio, industria y navegación de España, 1962.

Vida persoal

Casou con Sofía Domínguez Fernández en 1915.

Casou con Josefina Iglesias Castro en 1939.

Recoñecementos

• Gran Cruz da Orde do Mérito Civil.
• Medalla de Ouro ao Mérito das Cámaras de Comercio.