Adra, Almería

Adra é unha localidade e concello da provincia de Almería, na comunidade autónoma de Andalucía, situado na comarca de Poniente Almeriense, a 53 km da capital de provincia, Almería.

Adra, Almería

Localización
36°45′N 3°01′O
Estado	España
Comunidade autónoma	Andalucía
Provincia	Provincia de Almería
Capital	Adra (en)
Poboación
Poboación	25.195 (2023) (279,79 hab./km²)
Xeografía
Parte de	Berja Notary District (en) Poniente Almeriense (en)
Superficie	90,05 km²
Bañado por	Mar Mediterráneo
Altitude	20 m
Comparte fronteira con	Berja Albuñol (pt) Turón Balanegra (en)
Santo padrón	Nicolao de Tolentino
Organización política
• Alcalde	Enrique Hernando Martínez (en)
Identificador descritivo
Código postal	04770
Fuso horario	UTC+01:00
Código INE	04003
Sitio web	adra.es

En 2013 tiña 24 761 habitantes, a súa extensión superficial é de 90,05 km² e tiña unha densidade de 274,97 hab/km².

Xeografía física

Relevo e hidroloxía

Orograficamente, Adra atópase ao sueste de Serra Nevada, na Baixa Alpujarra. Debido a isto, a orografía de Adra caracterízase pola existencia de lomas e barrancos que se inician a nivel do mar no vértice sueste do termo e van aumentando a súa altitude cara ao norte e o oeste, alcanzando unha cota máxima de 960 metros no cerro de Las Pendencias.

Clima

A súa situación costeira e a súa latitude favorecen a existencia de invernos temperados e veráns calorosos, con temperaturas que non adoitan superar os 38 grados centígrados.

Situación

Imaxe do centro da cidade.

Imaxe dunha das súas rúas típicas.

Noroeste: Turón (Provincia de Granada)	Norte: Berja	Noeste: Berja e Balanegra
Oeste: Albuñol(Provincia de Granada)		Leste: Balanegra
Suroeste: mar Mediterráneo	Sur: mar Mediterráneo	Sueste: mar Mediterráneo

Adra é o municipio situado máis ao suroeste da provincia de Almería, máis concretamente no extremo occidental da comarca do Poñente de Almería, cunha extensión de 8750 hectáreas e 13 quilómetros de liña costeira. A súa distancia respecto da capital de Almería é duns 53 quilómetros.

Historia

Época romana

A partir do século IV a. C. a colonia pasa a control púnico e a finais do século II a.C pasa a control do Imperio Romano, na provincia romana da Hispania Ulterior. En Adra, a presenza romana faise patente durante tres séculos, sendo o Século I, o de maior esplendor como municipio romano, acuñándose moedas na súa propia ceca.

Inxentes restos arqueolóxicos, especialmente lápidas e estelas de habitantes de Abdera están repartidas en museos arqueolóxicos e coleccións privadas, xa que nos últimos dous séculos a espoliación dos sitios arqueolóxicos foi sistemática.

Abdera foi en época romana porto de saída de minerais das serras próximas de Gádor, madeiras e sazóns de pescado, entre elas o garum, pasta licuada, procedente dos restos de carnes e vísceras de pescados e mariscos, moi apreciada en tempos da dominación romana.

A maioría das fontes bibliográficas máis antigas existentes sobre o municipio pertencen a este período. Outros historiadores tamén mencionan a localidade en vairas obras, como é o caso de Estrabón, quen no libro terceiro da súa Xeografía, fala do porto de Abdera e da existencia doutra cidade chamada Odisea, non no lugar da actual, senón na montaña, visible desde o mar e que exhibía un santuario adicado a Atenea. Non existe constancia dese santuario nin atopáronse restos arqueolóxicos similares.

Tras unha decadencia de poboación entre os anos 23 a. C. e 25 d. C., prodúcese un momento de grande esplendor para a cidade arredor dos anos 175 e 225 d. C. A partir do século III e, coincidindo coa crise do Imperio Romano, a cidade entra nun período de paulatina decadencia que dura ata o século VI, no que a cidade minguou a súa actividade económica substancialmente. Este será o estado no que a atopan os bizantinos e Visigodos en torno aos séculos VI e VII.

Época musulmá

A islamización do municipio no tivo lugar ata o século IX d. C., remodelándose a súa poboación urbana no interior, concretamente en torno á barriada moderna de La Alquería. Desta época son os restos arqueolóxicos máis antigos aínda presentes na localidade, como a torre vixía situada na rúa Natalio Rivas.

Existe unha lenda en torno á figura do último dirixente nazarí de Granada, Boabdil o Mozo, que afirma que este abandonou a Península Ibérica desde o porto de Adra en 1492, camiño do norte de África, tras abandonar Granada fuxindo dos Reis Católicos. A lenda afirma que unha vez no mar, o príncipe volveu a mirada en dirección a Adra e lanzou a súa espada ao mar prometendo que algún día volvería a por ela. Anos despois, elixiría de novo Adra como porta de entrada para intentar unha nova reconquista frustrada da península. Así mesmo, Adra foi porto base das tropas castelás que acabaron coa rebelión dos mouriscos nas Alpuxarras, na que participaron os capitáns que venceron na Batalla de Lepanto.

Época contemporánea

Adra comezou a rexurdir no século XIX coa industrialización –foi pioneira a nivel nacional posuíndo a primeira máquina de vapor operativa en España^[1]– e, coa construción de fábricas de azucre e fundición de chumbo; aínda que a súa pesca sempre foi abundante, especialmente sardiñas, bocareus, douradas e robalizas, –nos últimos tempos criadas en granxas mariñas–, atún, bonito e melva, acadándose un gran prestixio coas súa industria conserveira nos anos trinta.

Na actualidade a industria en Adra desapareceu case por completo; a maioría dos ingresos proveñen da agricultura e a pesca, dous sectores moi afectados pola crise nos últimos anos.

Torre dos Perdigones

Política

Resultados das eleccións municipais de 2015.

Composición do Concello.^[2]

Partido político	2015		2011
	Votos %	Concelleiros	Votos %	Concelleiros
Partido Popular (PP)	39,14%	9	60,68	14
Partido Socialista Obrero Español de Andalucía (PSOE-A)	33,27%	8	30,67%	7
Plataforma Abderitana - Izquierda Unida Los Verdes (IULV-CA)	14,14%	3	3,37	0
Ciudadanos – Partido de la Ciudadanía (C´S)	7,93%	1	-	-

Alcaldes desde as primeiras eleccións municipais democráticas en 1979

Lista de Alcaldes desde 1979

Mandato	Nome do alcalde	Partido político
1979-1983	Pedro Sarmiento Posada	PSOE
1983-1987	Agustín Espinosa Toledano	PSOE
1987-1991	Enrique Arance Soto	AP
1991-1995	Joaquín Navarro Imberlón	PSOE
1995-1999	Joaquín Navarro Imberlón	PSOE
1999-2003	Joaquín Navarro Imberlón	PSOE
2003-2007	M.ª Carmen Crespo Díaz	PP
2007-2011	M.ª Carmen Crespo Díaz	PP
2011-2015	M.ª Carmen Crespo Díaz Enrique Hernando Martínez	PP
2015-2019	Manuel Cortés Pérez	PP

Notas

1. http://www.almeriainformacion.com/index.php?option=com_k2&view=item&id=152:adra&Itemid=559
2. Ministerio del Interior (ed.). "Resultados Elecciones Municipales 2007. Adra". Arquivado dende o orixinal o 24 de novembro de 2011. Consultado o 3 de xuño de 2010.

Véxase tamén

Wikimedia Commons ten máis contidos multimedia na categoría:  Adra, Almería

Ligazóns externas

• Sitio web oficial do Concello de Adra (en castelán)