Georgia Aquarium
From Wikipedia, the free encyclopedia
O Georgia Aquarium é un acuario situado en Atlanta, Xeorxia (Estados Unidos). Contén máis de 100.000 animais, representando 500 especies, en 38,000 m³ de auga mariña [1][2] e foi o acuario máis grande do mundo cando abriu no 2005.[3]
Construción
Financiado principalmente cunha doazón de US$250 millóns por parte do fundador de Home Depot, Bernie Marcus, foi construído nun terreo de 8,1 hectáreas ao norte do Centennial Olympic Park no centro da cidade. Ao celebrar Marcus o seu aniversario 60 no Monterey Bay Aquarium (en Monterey, California), en 1990, sentiu o desexo de construír un moi grande en Atlanta.[4]
Apertura
O acuario abriu por primeira vez as súas portas o 21 de novembro de 2005 para os posuidores de pase anual, e 2 días despois ao público en xeral. A US$22'75 por adulto, o boleto de entrada está entre os máis caros do país, malia ser sen fins de lucro. Malia iso, excedeu pronto as súas expectativas, pois o 1 de marzo de 2006 alcanzou o millón de visitantes, só 98 días despois da súa inauguración.[5] Logo de vender máis de 290.000 pases anuais no seu primeiro ano, suspendeu a súa venda para evitar que se convertese nun "club privado".[5]
Colección
O acuario contén máis de 100.000 animais, de 500 especies diferentes. A maioría dos animais foron transportados desde Taiwán a Atlanta pola UPS (que ten a súa sede en Atlanta, en 42 tanques nun MD-11. UPS doou o custo do flete, estimado en máis de 200.000 dólares.
Entre os seus residentes destacan 4 tiburóns baleas mozos, tamén de Taiwán, e 5 belugas, 2 delas levadas desde México e as outras 3 desde o acuario de Nova York. É a primeira vez que uns tiburóns balea viven nun acuario fóra de Asia, e están nun tanque con 23.500 m³ de auga, é dicir, algo así como o 70% da auga total dos tanques do acuario. En 2008 converteuse no cuarto acuario do mundo en expoñer unha mantarraia cun exemplar traído de Durban. En 2009 engadiuse unha segunda mantarraia. En 19 de xullo de 2010, o Acuario de Georgia anunciou que adquirira outra mantarraia, unha femia de 8 pés fronte á costa de Florida.
Galería
Mero xigante 
Tanque de peixes tropicais 
Túnel Viaxantes do Océano 
Tanque interactivo 
Réplica de esqueleto
Notas
Véxase tamén
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
