Acenocumarol

O acenocumarol é un anticoagulante, similar á warfarina, cuxo mecanismo de acción é ser un antagonista da vitamina K. É un derivado da cumarina comercializado co nome de Sintrom® ou Sinthrome®.

Acenocumarol.
(RS)-4-hidroxi-3-[1-(4-nitrofenil)-3-oxobutil]cromen-2-ona.

Acenocumarol.
Número CAS = 152-72-7.
Peso molecular = 353,326 g/mol.
Vida media de eliminación = <8-11 horas.

Presenta unha vida media breve (de 10 a 24 horas). A súa dose de sostén é de 1 a 8 mg/día.

Contraindicacións

• Embarazo.
• Estados patolóxicos nos que o risco dunha hemorraxia sexa maior que o beneficio clínico posible.
• Certos complementos alimentarios, como o Ginkgo biloba ou Hypericum perforatum (herba de San Xoán ou abeloura).^[1][2][3]

Monitorización e seguimento do tratamento

Debido á variabilidade e a complexidade do sangue, as doses e a concentración de acenocumarol están directamente relacionadas coa viscosidade e a composición do sangue, plaquetas e factores de coagulación entre outros. En consecuencia, debe haber un control moi exhaustivo porque hai unha marxe terapéutica moi estreita. É imprescindible e necesario un control diario do paciente para adecuar o fármaco ás necesidades do paciente. A experiencia no tratamento fixo que, ao estabilizarse o INR no valor requirido, os controis poidan espazarse varios días e mesmo 3 ou 4 semanas.