novela de Virginia Woolf From Wikipedia, the free encyclopedia
A señora Dalloway[1] (título orixinal en inglés: Mrs Dalloway) é a cuarta novela de Virginia Woolf, publicada o 14 de maio de 1925. Detalla un día na vida de Clarissa Dalloway, na Inglaterra posterior á primeira guerra mundial. A revista Time incluíu a novela na súa lista de 100 mellores novelas en lingua inglesa entre 1923 e 2005.[2]
| A señora Dalloway | |
|---|---|
 | |
| Título orixinal | Mrs Dalloway |
| Autor/a | Virginia Woolf |
| Orixe | Reino Unido |
| Lingua | Inglés |
| Xénero(s) | Novela |
| Editorial |  Hogarth Press Irmás Cartoné |
| Data de pub. | 14 de maio de 1925 2018 |
| Formato | Tapas duras |
| ISBN | ISBN 978-84-948421-2-2 (gl) |
| Tradución | Celia Recarey |
| [ editar datos en Wikidata ] | |
A novela segue a Clarissa Dalloway a través dun só día en Inglaterra despois da gran guerra nunha narrativa de estilo de fluxo de consciencia. Construída a través de dúas pequenas historias que Woolf escribira previamente («A señora Dalloway en Bond Street» e a súa inconclusa «O Primeiro Ministro») a historia da novela son os preparativos de Clarissa para unha festa que vai ofrecer esa noite. Usando a perspectiva interior da novela, Woolf móvese cara a atrás e adiante no tempo, e dentro e fóra da mente de varios personaxes para construír unha imaxe completa, non só da vida de Clarissa, senón da estrutura social de entreguerras. Debido a similitudes estruturais e estilísticas, comunmente crese que A señora Dalloway é unha resposta ó Ulises de James Joyce, un texto que é admirado como unha das grandes novelas do século XX, algo que Woolf anticipou, eloxiando a obra no seu ensaio "Modern Fiction".[3] Porén, a Hogarth Press, administrada por ela e o seu esposo Leonard, non puido publicar o Ulises en Inglaterra debido, entre outras causas, ás restricións de uso de linguaxe obscena que rexían na Inglaterra da época. Fundamentalmente, A señora Dalloway explora en novos terreos e busca presentar un aspecto diferente da experiencia humana.
Foi traducida ó galego por Celia Recarey[4] e foi publicada pola editorial Irmás Cartoné no ano 2018.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
