![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/1c/Thor%2527s_hammer%252C_Sk%25C3%25A5ne.svg/langgl-640px-Thor%2527s_hammer%252C_Sk%25C3%25A5ne.svg.png&w=640&q=50)
Ymir
From Wikipedia, the free encyclopedia
Na mitoloxía escandinava Ymir é o pai dos xigantes, o primeiro ser vivente que existiu. Os xigantes naceron da súa suor. Ao principio dos tempos, cando repousaba, dous seres vivos, home e muller, formáranse na suor da súa axila esquerda; asemade, os seus pés xuntos formaran un neno. Esta foi a primeira xeración dos xigantes. Os xigantes, ao seren anteriores aos deuses, non deixan nunca de ameazaren o seu imperio. A Ymir déronlle morte os fillos de Bor (Odín, Vili e Ve), nacidos da auga e da vaca Audhumla. Do seu corpo brotou un inmenso río de sangue, o bastante abundante como para encher o que quedaba do abismo orixinario. No océano de sangue pereceu toda a descendencia do xigante. Porén, un dos fillos escapou á morte, aferrado coa súa muller a unha débil barca. Esta parella bastou para xerar unha nova xeración, e a raza dos xigantes renaceu do desastre.