Voo 1907 de Gol Transportes Aéreos

O voo 1907 de Gol Transportes Aéreos era un servizo doméstico de pasaxeiros dende Manaus e Río de Xaneiro operado por un Boeing 737-8EH. Na tarde do 29 de setembro de 2006 colisionou no aire cun avión executivo Embraer Legacy 600 sobre o estado brasileiro de Mato Grosso. O Boeing 737 desintegrouse no aire e esnafrouse nunha zona de densa xungla matando os 154 pasaxeiros e tripulantes a bordo; a pesar de recibir danos serios na súa á esquerda e cola, o Embraer Legacy aterrou cos seus sete ocupantes ilesos.^[1][2][3]

Voo 1907 de Gol Transportes Aéreos
Imaxe do accidente xerada por ordenador
Resumo
Data	29 de setembro de 2006
Causa	colisión no aire debido a erros do ATC e posible erro do piloto do Legacy
Lugar	200 km ao leste de Peixoto de Azevedo
Coordenadas
Finados	154
Primeira aeronave
Tipo de aeronave	Boeing 737-8EH
Operador	Gol Transportes Aéreos
Rexistro	PR-GTD
Pasaxeiros	148
Tripulación	6
Superviventes	0
Segunda aeronave
Tipo de aeronave	Embraer Legacy 600
Operador	ExcelAire
Rexistro	N600XL
Pasaxeiros	5
Tripulación	2
Superviventes

O accidente foi investigado polo Centro de Investigación e Prevención de Accidentes Aeronáuticos brasileiro (CENIPA) e a Xunta Nacional para a Seguridade no Transporte estadounidense (NTSB), e o informe final foi publicado en 2008. O CENIPA concluíu que o accidente foi causado por erros do control de tráfico aéreo (ATC) combinados con fallos dos pilotos estadounidenses do Legacy, mentres que a NTSB determinou que ámbalas dúas tripulacións actuaron correctamente e foron situadas nun rumbo de colisión polo ATC, estimando que a decisión dos pilotos do Legacy de desactivar o seu sistema TCAS só foi un factor que axudou en vez dunha causa directa.^[1][2][4]

O accidente, que provocou unha crise na aviación civil brasileira, na época foi o peor do país. É o segundo peor accidente no Brasil tras o voo 3054 de TAM Airlines en 2007.

Notas

1. "Informe do accidente" (PDF). CENIPA. Archived from the original on 04 de xuño de 2011. Consultado o 2018-12-16.
2. "NTSB interim and final report links". NTSB. 2011-06-04. Archived from the original on 04 de xuño de 2011. Consultado o 2018-12-16.
3. "Accident description". Aviation Safety Network. Arquivado dende o orixinal o 21 de xuño de 2010. Consultado o 2018-12-16.
4. Downie, Andrew; Wald, Matthew L. (2008-12-10). "Brazil Lays Some Blame on U.S. Pilots in Collision". The New York Times (en inglés). ISSN 0362-4331. Consultado o 2018-12-16.