Vicki Baum

Vicki Baum, nada en Viena o 24 de xaneiro de 1888 e finada en Hollywood o 29 de agosto de 1960, foi unha escritora austríaca nacionalizada norteamericana en 1938.

Vicki Baum

Biografía
Nacemento	24 de xaneiro de 1888 Viena, Austria
Morte	29 de agosto de 1960 (72 anos) Hollywood, Estados Unidos de América
Causa da morte	leucemia
Actividade
Campo de traballo	Música, harp performance (en) , literatura, xornalismo e guión cinematográfico
Lugar de traballo	Berlín Oxford
Ocupación	guionista, arpista, xornalista, escritora, música
Alumnos	Stephanie Goldner (en)
Familia
Cónxuxe	Richard Lert (1916–) Max Prels (1906–1910)
Descrito pola fonte	Obálky knih, Handbuch der österreichischen Kinder- und Jugendbuchautorinnen (en) , (vol:1, p.96-102) >>>:Baum, Vicki Verbrannt, verboten, vergessen (en) , (p.18-20) >>>:Baum, Vicky

Traxectoria

Naceu en Viena no seo dunha familia xudía, estudou no Conservatorio de Viena e traballou durante tres anos nunha orquestra de Alemaña tocando a arpa. Máis tarde traballou como xornalista para a revista Berliner Illustrierte Zeitung. Durante a primeira guerra mundial traballou durante un tempo como enfermeira, casou dúas veces, primeiro en 1914 cun xornalista austríaco que a introduciu no mundo cultural vienés e despois co director de orquestra Richard Lert. Dende 1931 residiu nos Estados Unidos e as súas obras prohibíronse na Alemaña nazi.

Baum comezou a escribir durante a adolescencia, pero non publicou o seu primeiro libro, Frühe Schatten ata 1920. A súa novela máis famosa é Menschen im Hotel (1929) da que se fixo unha adaptación cinematográfica en 1932, Grand Hotel que gañou o Óscar ó mellor filme. Escribiu máis de 50 novelas, e cando menos 10 adaptáronse para filmes de Hollywood. A partir de The Ship and The Shore (1941) escribiu as súas novelas en inglés. As súas memorias apareceron postumamente, en 1962 co título de Es war alles ganz anders.