Watt

O watt^[1] ou tamén vatio^[2], de símbolo: W, é a unidade do SI para potencia. É equivalente a un joule por segundo⁻¹ (1 J/s), ou en unidades eléctricas, 1 volt-ampere (1 V · A). Na industria adóitase utilizar o cabalo de vapor (1 CV = 735,49875 W).

Ecuacións :

${\displaystyle W=J\cdot s^{-1}=N\cdot m\cdot s^{-1}=kg\cdot m^{2}\cdot s^{-3}}$

En electricicade; W = V · I onde V é a voltaxe en Voltios e I a intensidade en Amperios

James Watt (1736 – 1819).

A unidade do watt recibiu o nome de James Watt polas súas contribucións ao desenvolvemento do motor a vapor, e foi adoptada polo II congreso da asociación británica para o avance da ciencia en 1889.

En electricidade

Diagrama complexo da potencia en réxime alternativo:
Real (P, en vatios, W)
Reactiva (Q, en Voltamperes reactivos, VAr)
Complexa (S, en Voltamperes, VA)
Aparente (abs(S), en voltamperes, VA)

En electricidade, un watt é a unidade de potencia dun sistema debida a unha intensidade de 1 amperio para unha tensión de 1 voltio. É o produto da tensión pola intensidade (Lei de Ohm):

${\displaystyle P(t)=U(t)\cdot I(t)}$

${\displaystyle P(t)}$ : potencia en función de ${\displaystyle t}$ (en vatios).

${\displaystyle U(t)}$ : tensión eléctrica en función de ${\displaystyle t}$ (en voltios).

${\displaystyle I(t)}$ : corrente eléctrica en función de ${\displaystyle t}$ (en amperios).

En mecánica

En mecánica, o watt é a potencia desenvolvida por unha forza de 1 newton ao se desprazar unha distancia de 1 metro durante 1 segundo. Se o punto de aplicación dunha forza de 1 newton desprázase á velocidade de 1 metro por segundo (m/s), a potencia vale 1 watt:

${\displaystyle P={\frac {F\cdot d}{t}}=\int F\cdot \mathrm {d} v={\frac {\mathrm {d} W}{\mathrm {d} t}}}$

${\displaystyle F}$ : forza (en newton).

${\displaystyle d}$ : distancia (en metros).

${\displaystyle t}$ : tempo (en segundos).

${\displaystyle v}$ : velocidade (en m/s).

${\displaystyle W}$ : traballo (en joule).

Equivalencias

735,49875 W = 1 CV

Notas

1. Forma recoñecida como o nome galego da unidade de medida legal en España BOE
2. Forma menos recomendable segundo o Dicionario da Real Academia Galega Arquivado 22 de xullo de 2013 en Wayback Machine.

Véxase tamén

Outras unidades

• Cabalo de vapor

Ligazóns externas

• Nelson, Robert A., "The International System of Units Its History and Use in Science and Industry". Via Satellite, febreiro de 2000.(en inglés)