![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/2f/Hittite_Kingdom.png/640px-Hittite_Kingdom.png&w=640&q=50)
Tumanna
From Wikipedia, the free encyclopedia
Tummanna foi unha extensa rexión da costa do mar Negro entre a rexión de Pala e o corazón do país dos kaskas, correspondente ao clásico Ponto, mencionada nas inscricións hititas. Dominada polos kaskas no século XIV a.C., foi conquistada polo rei Suppiluliumas I durante as súas expedicións contra os kaskas, na primeira parte do seu reinado antes de 1340 a.C., e a rexión foi fortificada. Na parte final do seu reinado, sobre 1330 a.C., tivo que volver, polo menos á zona da comarca do monte Kasu (Kaššu), e de alí contra unha cidade cuxo nome conservamos incompleto (...naggara), onde xa estivera na súa primeira campaña, o que quere dicir que os kaskas volveran ocupala, polo menos parcialmente.
![Thumb image](http://upload.wikimedia.org/wikipedia/commons/thumb/2/2f/Hittite_Kingdom.png/640px-Hittite_Kingdom.png)
Sobre o 1300 a.C. foi integrada no Reino vasalo de Hakpis, creado por Muwatallis II para o seu irmán Hattusilis, e do que formou a parte centro-occidental (tiña aínda ao oeste a rexión de Pala). Mursilis III separouna deste reino e incorporouna aos seus dominios, o que foi un dos antecedentes que provocou a guerra civil na que foi derrubado por Hattusilis, rei de Hakpis.