![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/80/Genome_Sizes.png/640px-Genome_Sizes.png&w=640&q=50)
Tamaño do xenoma
From Wikipedia, the free encyclopedia
O tamaño do xenoma é a cantidade total de ADN contido nunha soa copia dun xenoma simple completo. Mídese normalmente pola súa masa en picogramos (billonésimas de gramo, 10−12), abreviado pg, ou menos frecuentemente en daltons, ou como o número total de pares de bases de nucleótidos, xeralmente en megabases (millóns de pares de bases, abreviado Mb ou Mbp). Un picogramo equivale a 978 megabases.[1] En organismos diploides, os termos tamaño do xenoma e valor C utilízanse indistintamente.
![Thumb image](http://upload.wikimedia.org/wikipedia/commons/thumb/8/80/Genome_Sizes.png/640px-Genome_Sizes.png)
A complexidade dun organismo non é directamente proporcional ao tamaño do seu xenoma. O contido en ADN total é moi variable entre distintos taxons biolóxicos. Algúns organismos unicelulares teñen moito máis ADN que os humanos, por exemplo, por razóns que aínda non están claras (ver ADN non codificante e enigma do valor C).