![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/8d/Los_Angeles_attack_sub_2.jpg/640px-Los_Angeles_attack_sub_2.jpg&w=640&q=50)
Submarino
embarcación que pode navegar somerxida baixo a auga / From Wikipedia, the free encyclopedia
Un submarino é unha embarcación con capacidade para navegar somerxida baixo a auga. Aínda que a maioría deles úsanse para fins militares, algúns teñen uso civil normalmente científico.
![Thumb image](http://upload.wikimedia.org/wikipedia/commons/thumb/8/8d/Los_Angeles_attack_sub_2.jpg/320px-Los_Angeles_attack_sub_2.jpg)
![Thumb image](http://upload.wikimedia.org/wikipedia/commons/thumb/1/13/German_UC-1_class_submarine.jpg/640px-German_UC-1_class_submarine.jpg)
As características dos submarinos varían moito segundo o propósito para o que foron construídos. Por exemplo, hai grandes submarinos con enerxía nuclear que poden permanecer baixo a auga durante meses, mentres que outros son científicos moito máis pequenos que só poden operar durante unhas horas.
A partir dos modelos máis primitivos de propulsión manual, os submarinos evolucionaron ata converterse en barcos altamente sofisticados. Aínda que a maioría dos avances foron por razóns militares, algúns foron por motivos civís, como os alcanzados polo enxeñeiro catalán Narcís Monturiol cos seus Ictíneo I e II.
Os primeiros submarinos movíanse manualmente, xa que os motores mariños aínda non foran inventados e moito menos para funcionar baixo a auga, tiñan funcións militares e tentaban afundir os buques inimigos por métodos como o de introducirlles parafusos nos cascos de madeira. Algúns empregaron explosivos, pero na maioría dos casos tiña como consecuencia a destrución do propio submarino xunto co do navío inimigo.