![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/27/SpeculumHumanaeSalvationisFritzwilliamMuseumMS43-1950fol5v.jpg/640px-SpeculumHumanaeSalvationisFritzwilliamMuseumMS43-1950fol5v.jpg&w=640&q=50)
Speculum Humanae Salvationis
From Wikipedia, the free encyclopedia
Speculum Humanae Salvationis é o título dunha obra anónima do século XIV onde se desenvolve a chamada tipoloxía bíblica, é dicir, a lectura do Antigo Testamento como prefiguración do Novo Testamento e onde os personaxes do primeiro son vistos como tipos ou espellos do segundo, sobre todo episodios da vida de Xesús.
O éxito da obra, escrita en latín, levou a que se conservasen numerosas copias manuscritas (350) e estampas como incunables (polo menos 16). Está considerado un dos libros máis populares da época no campo da teoloxía popular. Foi traducido ao francés, inglés, alemán, castelán, checo e holandés.
![Thumb image](http://upload.wikimedia.org/wikipedia/commons/thumb/2/27/SpeculumHumanaeSalvationisFritzwilliamMuseumMS43-1950fol5v.jpg/640px-SpeculumHumanaeSalvationisFritzwilliamMuseumMS43-1950fol5v.jpg)