![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c5/20160915-DSC_8652_%252829661843821%2529.jpg/640px-20160915-DSC_8652_%252829661843821%2529.jpg&w=640&q=50)
Seinen
From Wikipedia, the free encyclopedia
Seinen (青年) é unha palabra xaponesa que se podería traducir como "home novo" e que aquí é utilizada para referirse a unha categoría de manga ou anime que ten por albo un público masculino adulto, normalmente entre os 18 e 40 anos. O seu equivalente feminino é o josei.
![Thumb image](http://upload.wikimedia.org/wikipedia/commons/thumb/c/c5/20160915-DSC_8652_%2829661843821%29.jpg/640px-20160915-DSC_8652_%2829661843821%29.jpg)
A variedade de estilos e de temáticas tratadas neste tipo de banda deseñada son moi amplos (podendo ir desde o máis vangardista ao porno), mais ten como característica común o feito de que, a diferenza do manga shōnen, aborda as diferentes temáticas dunha maneira máis seria e adulta, podendo chegar nalgún momento a ter unha linguaxe máis violenta e crúa. As tramas tamén están máis traballadas coidándose máis a posta en escena.
Unha maneira común de diferenciar o shōnen do seinen é ollar no kanji orixinal do texto. Se hai furigana na maior parte do kanji significa que a obra está orientada a un público máis novo. Tamén pode servir de orientación coñecer a revista ou magazine na que foi publicado pois, normalmente, se leva a palabra Young significa que estamos ante un manga seinen. Algúns exemplos de revista seinen son: Ultra Jump, Afternoon, Young Jump, Young Animal.